പുതിയ മദ്യനയം മന്ത്രി സഭ അംഗീകരിച്ചു. കള്ള് ഷാപ്പുകൾക്ക് ബാറുകളുടേത് പോലെ സ്റ്റാർ പദവി നല്കാനും തീരുമാനമായി. ലഹരി വിമുക്ത പ്രവർത്തനത്തിലൂന്നിയാണ് പുതിയ മദ്യനയമെന്നും മന്ത്രി പറഞ്ഞു. മന്ത്രിസഭാ യോഗത്തിന് ശേഷമാണ് മന്ത്രിയുടെ പ്രതികരണം. വിദേശികളെ ആകർഷിക്കുന്നതിന്റെ ഭാഗമായാണ് നീക്കം. പുതിയ മദ്യനയം പ്രാബല്യത്തില് വരുന്നതോടെ സംസ്ഥാനത്ത് സ്പിരിറ്റ് ഉൽപ്പാദനം പ്രോത്സാഹിപ്പിക്കും. ബാർ ലൈസൻസ് ഫീസ് കൂട്ടാനും സ്പരിറ്റ് ഉൽപ്പാദനം സംസ്ഥാനത്ത് ആരംഭിക്കാനും കള്ള് വ്യവസായം പ്രോത്സിപ്പിക്കാനും വേണ്ട ശുപാർശകള് നല്കുന്നതാണ് പുതിയ മദ്യനയം.
കൂടാതെ ബാർ ലൈസൻസ് ഫീസ് വർദ്ധിപ്പിച്ചു. നിലവിൽ 30 ലക്ഷം രൂപയാണ് ബാർ ലൈസൻസ് ഫീസ്. 5 ലക്ഷം രൂപയാണ് വർദ്ധിപ്പിച്ചത്. ഒന്നാം തിയ്യതിയിലെ ഡ്രൈ ഡേ ഒഴിവാക്കാൻ നേരത്തെ ആലോചനയുണ്ടായിരുന്നെങ്കിലും അത് തുടരും. അവധി ഒഴിവാക്കുന്നതിനെതിരെ തൊഴിലാളികളുടെ സംഘടന നേരത്തെ രംഗത്തെത്തിയിരുന്നു. ഏപ്രിലിൽ പുതിയ നയം വരേണ്ടതായിരുന്നു. എന്നാല് ചർച്ചകൾ നീണ്ടുപോയതാണ് നയവും വൈകാൻ കാരണം.
ഒന്നാം തിയ്യതിയിലെ ഡ്രൈ ഡേ ഒഴിവാക്കാന് നേരത്തെ ആലോചനയുണ്ടായിരുന്നെങ്കിലും അത് തുടരും. അവധി ഒഴിവാക്കുന്നതിനെതിരെ തൊഴിലാളികളുടെ സംഘടന നേരത്തെ രംഗത്തെത്തിയിരുന്നു. ഐ.ടി പാര്ക്കുകളില് ബാര് ലൈസന്സ് നല്കുന്നത് പരിഗണനയില് വന്നിരുന്നു. എന്നാല് അതില് തീരുമാനം വ്യക്തമല്ല. ജൂണ് മുതല് കരട് മന്ത്രിസഭയുടെ പരിഗണനയ്ക്ക് വന്നിരുന്നെങ്കിലും ധനവകുപ്പില് നിന്നുള്ള അന്തിമ പരിശോധന പൂര്ത്തിയാകാത്തതിനാല് മാറ്റിവയ്ക്കുകയായിരുന്നു.