ഡൽഹി മുനിസിപ്പൽ കോർപറേഷൻ (എംസിഡി) തിരഞ്ഞെടുപ്പിന് പിന്നാലെ തിരഞ്ഞെടുപ്പ് പ്രചാരണത്തിന്റെ ഭാഗമായി സർക്കാർ നേട്ടങ്ങൾ പ്രസിദ്ധീകരിക്കാൻ ചെലവാക്കിയ 97 കോടി രൂപ എഎപി തിരിച്ചടയ്ക്കണമെന്നു ലഫ്.ഗവർണർ വി.കെ.സക്സേന ഉത്തരവിട്ടു. സംസ്ഥാന സർക്കാരിന്റെ പരസ്യങ്ങൾ പാർട്ടിയുടെ രാഷ്ട്രീയ പ്രചാരണത്തിന് ഉപയോഗിച്ചെന്നാണ് എഎപിക്കെതിരെ സക്സേന ആരോപിക്കുന്നത്. പണം തിരിച്ചുപിടിക്കണമെന്ന് ചീഫ് സെക്രട്ടറിക്കാണു നിർദേശം നൽകിയിട്ടുള്ളത്.
തിരഞ്ഞെടുപ്പിലെ പരാജയം ബിജെപിക്കു തിരിച്ചടിയായതിനു പിന്നാലെ പരസ്യത്തിന്റെ പേരിൽ എഎപിയെ തളർത്താൻ ശ്രമിക്കുകയാണ് എന്ന ആരോപണവും ഉണ്ട്. കേന്ദ്ര സർക്കാർ നിയമിച്ച ലഫ്. ഗവർണറെ ഉപയോഗിച്ചുള്ള രാഷ്ട്രീയ പകപോക്കലാണ് ഇതെന്നാണ് എഎപിയുടെ പ്രതികരണം.
15 വർഷമായി ബിജെപിയുടെ കൈവശമായിരുന്ന എംസിഡിയിൽ 250ൽ 135 സീറ്റുകളിൽ വിജയിച്ചാണ് എഎപി മിന്നുംജയം കരസ്ഥമാക്കിയത്.