അഗര്ത്തല: ത്രിപുരയിൽ തിരഞ്ഞെടുപ്പ് പ്രഖ്യാപനം വന്നതിന് പിന്നാലെ ബിജെപി കോൺഗ്രസ് പാർട്ടികൾ തമ്മിൽ ഏറ്റുമുട്ടി. സംഘർഷത്തിൽ നിരവധി പേർക്ക് പരിക്കേറ്റു. മജിലിഷ്പുര് മണ്ഡലത്തിലെ മോഹന്പുരില് ഇരുവിഭാഗവും തമ്മിലുണ്ടായ ഏറ്റുമുട്ടല് അര മണിക്കൂറോളം നീണ്ടുനിന്നു. സംഘർഷത്തില് കോണ്ഗ്രസ് നേതാവ് അജയ് കുമാര് ഉള്പ്പെടെയുള്ളവര്ക്ക് പരിക്കേറ്റു. അജയ് കുമാറിനെ ആശുപത്രിയിൽ പ്രവേശിപ്പിച്ചു.
ബുധനാഴ്ച ഉച്ചയ്ക്ക് മൂന്നു മണിക്ക് കേന്ദ്ര മുഖ്യ തിരഞ്ഞെടുപ്പ് കമ്മിഷണര് രാജിവ് കുമാറാണ് തീയതി പ്രഖ്യാപിച്ചത്. ഫെബ്രുവരി 16-നാണ് ത്രിപുരയിലെ നിയമസഭാ തിരഞ്ഞെടുപ്പ്. ത്രിപുരക്കു പുറമേ നാഗാലാന്ഡിലെയും മേഘാലയയിലെയും തിരഞ്ഞെടുപ്പ് തീയതികളും പ്രഖ്യാപിച്ചിരുന്നു. ഫെബ്രുവരി 27-നാണ് ഇവിടങ്ങളിലെ തിരഞ്ഞെടുപ്പ്. തിരഞ്ഞെടുപ്പ് തീയതി പ്രഖ്യാപിച്ച മൂന്ന് സംസ്ഥാനങ്ങളിൽ മാർച്ച് രണ്ടിന് വോട്ടെണ്ണൽ നടത്തുമെന്ന് തിരഞ്ഞെടുപ്പ് കമ്മീഷൻ വാർത്താസമ്മേളനത്തിൽ അറിയിച്ചിട്ടുണ്ട്. മൂന്ന് സംസ്ഥാനങ്ങളിലെയും സ്ഥിതിഗതികൾ നേരിട്ട് വിലയിരുത്തിയതായി കമ്മീഷനറിയിച്ചു