നിർണ്ണായക മത്സരത്തിൽ അയർലൻഡിനോട് തോറ്റാണ് ആസ്ട്രേലിയയിൽ നടക്കുന്ന ട്വന്‍റി20 ലോകകപ്പിൽനിന്ന് പുറത്തായത്. ടോസ് നേടി ബാറ്റിങ്ങിനിറങ്ങിയ വിൻഡീസ് അഞ്ചു വിക്കറ്റ് നഷ്ടത്തിൽ 146 റൺസെത്തു. മറുപടി ബാറ്റിങ്ങിനിറങ്ങിയ അയർലൻഡ് ഒരു വിക്കറ്റ് മാത്രം നഷ്ടപ്പെടുത്തി 15 പന്തുകൾ ബാക്കി നിൽക്കെ ലക്ഷ്യത്തിലെത്തുകയായിരുന്നു. ഒമ്പത് വിക്കറ്റ് ജയത്തോടെ അയർലൻഡ് സൂപ്പര്‍ പോരാട്ടത്തിന് യോഗ്യത നേടി. രണ്ടു തവണ ലോക ചാമ്പ്യന്മാരായ വെസ്റ്റിൻഡീസ് ലോകകപ്പിൽനിന്ന് പുറത്തായി. 2012, 2016 ലോകകപ്പുകളിൽ കിരീടം നേടിയ വിൻഡീസ്, തുടർച്ചയായ രണ്ടാം തവണയാണ് നോക്കൗട്ട് കാണാതെ പുറത്താകുന്നത്.
ടീമിന്‍റെ മോശം പ്രകടനത്തിൽ വിൻഡീസ് നായകൻ ആരാധകരോട് മാപ്പ് പറഞ്ഞു. “ഞങ്ങൾ ആരാധകരെ നിരാശരാക്കി. ഇത് ഏറെ വേദനിപ്പിക്കുന്നതാണ്. ഞാൻ നിരാശനാണ് ” അദ്ദേഹം പ്രതികരിച്ചു.