ലോക്സഭ തെരെഞ്ഞെടുപ്പിന് മുന്പ് ബിജെപി നേതൃത്വം നല്കുന്ന എന്ഡിഎ മുന്നണിയുടെ ഭാഗമാകാന് പി.സി ജോര്ജിന്റെ ജനപക്ഷം സെക്യുലര് തീരുമാനിച്ചു. വർക്കിംഗ് ചെയർമാൻ ഇ.കെ.ഹസ്സൻകുട്ടിയുടെ അധ്യക്ഷതയിൽ കോട്ടയത്ത് ചേര്ന്ന യോഗത്തിലാണ് ഇത് സംബന്ധിച്ച തീരുമാനം. വരുന്ന ലോക്സഭാ തിരഞ്ഞെടുപ്പിൽ നരേന്ദ്ര മോഡി നേതൃത്വം നൽകുന്ന എൻഡിഎ മുന്നണിയുമായി ചേർന്ന് നിൽക്കുന്ന രാഷ്ട്രീയമായിരിക്കും പാർട്ടിക്ക് ഉണ്ടാകുക എന്ന് കേരള ജനപക്ഷം (സെക്യുലർ) സംസ്ഥാന കമ്മിറ്റി ഐക്യകണ്ഠേന തീരുമാനമെടുത്തു.
എന്നാൽ ഇത് സംബന്ധിച്ചു ഔദ്യോഗികമായി ചർച്ചകൾ എൻഡിഎ മുന്നണി നേതൃത്വവുമായോ ബിജെപി നേതൃത്വവുമായോ നടന്നിട്ടില്ലെന്നും കമ്മിറ്റി പറഞ്ഞു. ബിജെപി, എൻഡിഎ നേതൃത്വങ്ങളുമായി ചർച്ച നടത്തുന്നതിന് പി.സി. ജോർജ്, ഇ.കെ.ഹസ്സൻകുട്ടി, ജോർജ് ജോസഫ് കാക്കനാട്ട്, നിഷ എം.എസ്. പി.വി.വർഗീസ് എന്നിവർ അംഗങ്ങളായ അഞ്ചംഗ കമ്മിറ്റിയെ ചുമതലപ്പെടുത്തിയെന്നും ജനപക്ഷം സെക്യുലര് സംസ്ഥാന കമ്മിറ്റി അറിയിച്ചു.