തിരുവനന്തപുരത്ത് ബൈക്കപകടം: വീട്ടമ്മയും ബൈക്ക് ഓടിച്ചയാളും മരിച്ചു

തിരുവനന്തപുരം: തിരുവനന്തപുരം വാഴമുട്ടത്ത് ഇന്ന് രാവിലെ ഉണ്ടായ റേസിങ് ബൈക്ക് അപകടത്തിൽ വഴിയാത്രക്കാരിയായ വീട്ടമ്മ മരണമടഞ്ഞു. വാഴമുട്ടം സ്വദേശി സന്ധ്യ(55) ആണ് മരണമടഞ്ഞത്. ബൈക്ക് ഓടിച്ചിരുന്ന യുവാവിന് ഗുരുതരമായി പരിക്കേറ്റ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു എന്നാൽ വൈകേന്നേരത്തോടെ ഇയാളും മരിച്ചു. ബൈക്കിന്റെ അമിതവേഗമാണ് അപകടത്തിന് കാരണമെന്നാണ് വിലയിരുത്തൽ. രാവിലെ റോഡ് മുറിച്ച് കടക്കുകയായിരുന്ന വീട്ടമ്മയെ അമിത വേഗതയിൽ എത്തിയ ബൈക്ക് ഇടിച്ച് തെറി പ്പിക്കുകയായിരുന്നു. ഗുരുതരമായ പരിക്കേറ്റ സന്ധ്യ സംഭവ സ്ഥലത്ത് തന്നെ മരണമടഞ്ഞതായാണ് വിവരം