ദുബായ് ഷോപ്പിംഗ് ഫെസ്റ്റിവലിനോടനുബന്ധിച്ച് പ്രാദേശികസംഗീതത്തിന് മുൻതുക്കംനൽകിക്കൊണ്ട് ആവേശകരമായ ലൈവ് മ്യൂസിക് ലൈനപ്പുമായി Tunes DXB. ജനുവരി 15 വരെ നീണ്ടുനിൽക്കുന്ന സംഗീത പരിപാടികൾ ദുബായിലെ വിവിധ സ്ഥലങ്ങളിൽ നടക്കുക്കുമെന്ന് സംഘാടകർ അറിയിച്ചു.
അൽ സീഫ്, ബോക്സ് പാർക്ക്, ബ്ലൂവാട്ടേഴ്സ്, സിറ്റി സെന്റർ ദെയ്റ, സിറ്റി വാക്ക്, കൈറ്റ് ബീച്ച്, ലാസ്റ്റ് എക്സിറ്റ് അൽ ഖവാനീജ്, നഖീൽ മാൾ, ദി പോയിന്റ്, ദി ബീച്ച്, ജെബിആർ – 11 എന്നിവിടങ്ങളിൽ സജ്ജീകരിച്ചിരിക്കുന്ന താൽക്കാലിക സ്റ്റേജുകളിൽ സൗജന്യമായി പരിപാടികൾ ആസ്വദിക്കാൻ സാധിക്കും. കൂടാതെ മ്യൂസിയം ഓഫ് ഫ്യൂച്ചറിന് സമീപമുള്ള SALT ക്യാമ്പ്, ഹത്തയിലെ കോർയൂണിറ്റി ഫെസ്റ്റിവൽ എന്നിവയിലും അവിശ്വസനീയമായ തത്സമയപ്രകടനങ്ങൾ സന്ദർശകരെ കാത്തിരിക്കുന്നുണ്ട്. ആലിയ അൽ അലി, മൈത അൽ മൻസൂരി, ഷെബാനി, ബഫൂറി എന്നിവർ ഉൾപ്പെടെയുള്ളവരുടെ ഗാനങ്ങളും ഉണ്ടാകും. റോക്ക്, പോപ്പ് മുതൽ ഫ്യൂഷൻ, ഹിപ്-ഹോപ്പ് വരെയുള്ള എല്ലാ വിഭാഗങ്ങളുടെയും ആരാധകരെ ആകർഷിക്കുന്നതിനായി ട്യൂൺസ് DXB പ്രത്യേകം പരിപാടികൾ ഒരുക്കിയിട്ടുണ്ട്.
അവിശ്വസനീയമായ ഡീലുകൾ, നൂതന ഇവന്റുകൾ, ലോകോത്തര വിനോദം, ജീവിതത്തെ മാറ്റിമറിക്കുന്ന സമ്മാനങ്ങൾ എന്നിവയുമായി ദുബായ് ഷോപ്പിംഗ് ഫെസ്റ്റിവലിന്റെ (DSF) 28-ാം പതിപ്പ് 2023 ജനുവരി 29 വരെ നീണ്ടുനിൽക്കും.