യുഎഇയിൽ ഇന്നും ശക്തമായ പൊടിക്കാറ്റിന് സാധ്യതയുള്ളതായി മുന്നറിയിപ്പ്. വടക്കു കിഴക്കൻ പ്രദേശങ്ങളിലും തീരദേശ മേഖലകളിലും പൊടി നിറഞ്ഞതും മേഘാവൃതവുമായ കാലാവസ്ഥ പ്രതീക്ഷിക്കുന്നതായും നാഷണൽ സെന്റർ ഓഫ് മെറ്റീരിയോളജി (NCM) മുന്നറിയിപ്പ് നൽകി.
പകൽസമയത്ത് മഴ പെയ്യാനും സാധ്യതയുണ്ട്, “താപനിലയിൽ മറ്റൊരു ഗണ്യമായ കുറവ്” പ്രതീക്ഷിക്കാമെന്നും NCM മുന്നറിയിപ്പ് നൽകി. ഷെയ്ഖ് ഖലീഫ ഇൻ്റർനാഷണൽ റോഡിൽ ഹംറയിൽ നിന്ന് അൽ ദഫ്‌റ മേഖലയിലെ മഹ്‌മിയത്ത് അൽ സുകൂറിലേക്കുള്ള ഇടങ്ങളിൽ പൊടികാറ്റ് വീശുമെന്നതിനാൽ വീശു ഓറഞ്ച്, യെല്ലോ അലർട്ടുകൾ നൽകിയിട്ടുണ്ട്.
അറേബ്യൻ ഗൾഫ് കടൽ വളരെ പ്രക്ഷുബ്ദമായതിനാൽ ബീച്ച് പരിസരങ്ങളിൽ വിനോദ പരിപാടികളിൽ ഏർപ്പെടാൻ പദ്ധതിയിട്ടിട്ടുള്ള താമസക്കാർ ജാഗ്രത പാലിക്കണമെന്നും മുന്നറിയിപ്പ് നിർദേശത്തിൽ പറയുന്നുണ്ട്. ഇന്ന് അനുഭവപ്പെടുന്ന ഏറ്റവും കൂടിയ താപനില 16 മുതൽ 21 ഡിഗ്രി സെൽഷ്യസ് വരെയും കുറഞ്ഞ താപനില 15 മുതൽ 20 ഡിഗ്രി സെൽഷ്യസ് വരെയുമായിരിക്കും. കൂടാതെ മണിക്കൂറിൽ 45 കിലോമീറ്റർ വേഗത്തിൽ വീശുന്ന കാറ്റിനും സാധ്യതയുണ്ടാകും. ചില തീരപ്രദേശങ്ങളിലും ആന്തരിക പ്രദേശങ്ങളിലും ഇന്ന് ഫെബ്രുവരി 25 രാത്രി 8 മണി വരെ ദൃശ്യപരത കുറയുമെന്നും മുന്നറിയിപ്പിൽ പറയുന്നു