ദുബായിൽ നടക്കുന്ന എമിരേറ്റ്സ് ഇന്റർനാഷണൽ ഫിലിം ഫെസ്റ്റിവൽ വേദിയിൽ പ്രദർശിപ്പിക്കാൻ ബബിൾ ഗം ഒരുക്കിയ ഒരു ഹൃസ്വ സിനിമയും തെരഞ്ഞെടുത്തു. വെബ് സീരീസ് എന്ന പ്രത്യേക വിഭാഗത്തിലാണ് ബബിൾ ഗം ദുബായുടെ”വിടമാട്ടേൻ” എന്ന ഹൃസ്വ സിനിമ ഉൾപ്പെടുത്തിയിട്ടുള്ളത്. 37 വർഷമായി ദുബായിൽ പ്രവാസിയായി കഴിയുന്ന പോൾസൺ പാവറട്ടി ആണ് തിരക്കഥാകൃത്തും സംവിധായകനും.
11 ആം വാർഷികം ആഘോഷിക്കുന്ന ഇത്തവണത്തെ എമിരേറ്റ്സ് ഇന്റർനാഷണൽ ഫിലിം ഫെസ്റ്റിവലിൽ യു എ ഇ യിൽ നിന്നും മറ്റ് 30 വിദേശ രാജ്യങ്ങളിൽ നിന്നും 500 ൽ അധികം ചിത്രങ്ങളാണ് മത്സരത്തിൽ പങ്കെടുത്തത്. ഫീച്ചർ ഫിലിം, ഷോർട് ഫിലിം, അനിമേഷൻ ഫിലിം, ഡോക്യുമെന്ററി എന്നിവ കൂടാതെ യങ് ആൻഡ് എമേർജിങ് ഫിലിം മേക്കേഴ്സ് എന്ന വിഭാഗത്തിലുമാണ് ചിത്രങ്ങൾ തിരഞ്ഞെടുക്കപ്പെട്ടിട്ടുള്ളത്.
2025 ജനുവരി 15, 16, 17 തിയതികളിൽ എമിരേറ്റ്സ് ഏവിയേഷൻ കോളജിൽ വെച്ചായിരിക്കും തെരഞ്ഞെടുക്കപ്പെട്ട സിനിമകളുടെ പ്രദർശനം നടക്കുക. ജനുവരി 18ന് ക്ഷണിക്കപ്പെട്ട അതിഥികളുടെ സാന്നിധ്യത്തിൽ റെഡ് കാർപെറ്റ് വിരുന്നും, അവാർഡ് ദാന ചടങ്ങും നടക്കും.