ദുബൈ അന്താരാഷ്ട്ര വിമാനത്താവളത്തിൽ വന്നിറങ്ങുന്ന കുട്ടികൾക്ക് ദുബൈ ഭരണാധികാരിയുടെ പുസ്തകം സമ്മാനമായി നൽകുന്ന സംരംഭത്തിന് തുടക്കം കുറിച്ച് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജി.ഡി.ആർ.എഫ്‌.എ). യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് ആൽ മക്തൂമിന്‍റെ “the journey from the Desert to the stars” എന്ന പുസ്തകത്തിന്‍റെ പകർപ്പുകളാണ് ദുബൈയിൽ വരുന്ന കുട്ടികൾക്ക് സമ്മാനിക്കുക. എയർപോർട്ടിലെ കുട്ടികൾക്കുള്ള എമിഗ്രേഷന് കൗണ്ടറിൽ നടപടി പൂർത്തീകരിക്കുന്ന കുരുന്നകൾക്കാണ് പുസ്തകം വിതരണം
സംരംഭത്തിന്‍റെ ഉദ്ഘാടനം കുട്ടികൾക്ക് പുസ്തകം സമ്മാനിച്ച് ജി.ഡി.ആർ.എഫ്‌.എ മേധാവി ലഫ്റ്റനന്‍റ് ജനറൽ മുഹമ്മദ് അഹ്‌മദ്‌ അൽ മർറി നിർവഹിച്ചു. ദുബൈ എമിറേറ്റിൽ ശൈഖ് മുഹമ്മദ് അധികാരമേറ്റതിന്‍റെ 18ാം വാർഷിന്റെ ഭാഗമായാണ് ഇത്തരത്തിലുള്ള ഉദ്യമത്തിന് തുടക്കം കുറിച്ചത്. അറബിക്, ഇംഗ്ലീഷ് ഭാഷകളിലെ പുസ്തകമാണ് കുട്ടികൾക്ക് നൽകുക. ദുബൈ വിമാനത്താവളങ്ങൾ വഴി എത്തുന്ന കുട്ടികളുമായി ആശയവിനിമയം മെച്ചപ്പെടുത്തുകയാണ് ലക്ഷ്യമെന്ന് മുഹമ്മദ് അഹ്‌മദ്‌ അൽ മർറി പറഞ്ഞു.
‘ദുബൈയുടെ തനതായ ചരിത്രം വായിക്കാനും ശ്രദ്ധിക്കാനും കുട്ടികളെ പ്രോത്സാഹിപ്പിക്കാനുള്ള രക്ഷിതാക്കൾക്കുള്ള സന്ദേശമായാണ് പുസ്തക വിതരണം. എമിറേറ്റ് സാക്ഷ്യംവഹിച്ച വികസനത്തെ പരിചയപ്പെടുത്തുന്നതിനൊപ്പം അവരെ പ്രചോദിപ്പിക്കാനും പുതുമയുള്ളവരാകാനും കഴിയുന്ന തരത്തിൽ വിദ്യാഭ്യാസപരമായ സന്ദേശം നൽകാനാണ് ശ്രമമെന്ന് അദ്ദേഹം വ്യക്തമാക്കി.ദുബായ് വിമാനത്താവളങ്ങളിലൂടെയുള്ള യാത്രയിൽ കുട്ടികൾക്ക് സവിശേഷവും ആസ്വാദ്യകരവുമായ അനുഭവം പ്രദാനം ചെയ്യുന്നുണ്ട് . ലോകത്ത് ആദ്യമായി കുട്ടികൾക്ക് മാത്രമായുള്ള എമിഗ്രേഷൻ കൗണ്ടർ സ്ഥാപിച്ചത് ദുബായ് എയർപോർട്ടാണ് .