സിനിമയിൽ ലഹരിയുണ്ടെന്ന് നടൻ ടിനി ടോം വ്യക്തമാക്കി. തനിക്കൊപ്പം അഭിനയിച്ച നടൻ ലഹരിക്ക് അടിമയാണ്, ആ നടന്റെ പല്ല് പൊടിഞ്ഞ് തുടങ്ങിയെന്നും ടിനി പറഞ്ഞു. പ്രമുഖ താരത്തിന്റെ മകനായി അഭിനയിക്കാന് തന്റെ മകന് അവസരം ലഭിച്ചിരുന്നു, ഒരു മകനേ തനിക്കുള്ളൂ, മയക്കുമരുന്ന് ഭയം കാരണം സിനിമയിൽ വിട്ടില്ലെന്നും ടിനി ടോം വെളിപ്പെടുത്തി. അമ്പലപ്പുഴയിൽ കേരള സർവകലശാല ഉദ്ഘാടനചടങ്ങിലായിരുന്നു ടിനിയുടെ വെളിപ്പെടുത്തൽ. താര സംഘടനയായ അമ്മയുടെ ഭാരവാഹി കൂടിയാണ് ടിനി ടോം.
സിനിമ സെറ്റിൽ ലഹരിഉപയോഗം വ്യാപകമായി നടക്കുന്നുവെന്ന് നേരത്തെ ആരോപണം ഉണ്ടായിരുന്നു. സിനിമ സെറ്റുകളിലെ ലഹരി ഉപയോഗം സ്വയം അവസാനിപ്പിച്ചില്ലെങ്കില് അത്തരക്കാരെ നിയമപാലകര്ക്ക് പിടിച്ചുകൊടുക്കുമെന്ന് ഫിലിം ചേമ്പര് അറിയിച്ചിരുന്നു. സിനിമാസെറ്റിലെ ലഹരി ഉപയോഗത്തെക്കുറിച്ച് നിര്മാതാക്കളുടെ സംഘടന വെളിപ്പെടുത്തുകയും ഉപയോഗിക്കുന്നവരുടെ പട്ടികയുമുണ്ടെന്ന് പറഞ്ഞെങ്കിലും ഇതുവരെ പുറത്തുവിട്ടിട്ടില്ല. പരാതി നല്കാന് നിര്മാതാക്കളാരും തയ്യാറായിട്ടില്ല.
എന്നാല് ലഹരി പരിശോധനകളെ സിനിമ വ്യവസായത്തിലെ എല്ലാവരും സ്വാഗതം ചെയ്യുന്നില്ല എന്നതും ശ്രദ്ധേയമാണ്. ചിത്രീകരണം തടസപ്പെടുമെന്ന് ചൂണ്ടിക്കാട്ടിയാണ് നിര്മാതാക്കളില് ചിലരുടെ എതിര്പ്പ്. പരാതി കിട്ടിയാല് അന്വേഷിക്കാമെന്നാണ് സര്ക്കാര് നിലപാട്. എന്നാല് പരാതി ഇല്ലാതെ തന്നെ പരിശോധനയാവാമല്ലോ എന്നും സംഘടനകള് ചോദിക്കുന്നു.