യു എ ഇ യുടെ വിവിധ ഭാഗങ്ങളിൽ ഇന്നും മഴ തുടരുമെന്ന് കാലാവസ്ഥാ കേന്ദ്രത്തിന്റെ മുന്നറിയിപ്പ്. കഴിഞ്ഞ രണ്ടുദിവസമായി ഇടവിട്ട് പെയ്യുന്ന മഴ ഇന്നും പലയിടങ്ങളിലും ശക്തമായി തുടരുമെന്നാണ് അറിയിച്ചിരിക്കുന്നത്. ഭേദപ്പെട്ട മഴയാണ് മിക്ക സ്ഥലങ്ങളിലും ഇന്ന് ലഭിച്ചത്. ദുബൈയിൽ കരാമ ഉൾപ്പെടെയുള്ള സ്ഥലങ്ങളിലും ഷാർജ, റാസൽഖൈമ, ഫുജൈറ എന്നീ എമിറേറ്റുകളിലും മഴ പെയ്യുന്നുണ്ട്. ഗ്ലോബൽ വില്ലജ് മഴ മൂലം ഇന്ന് അടച്ചിടുമെന്നും അധികൃതർ അറിയിച്ചിട്ടുണ്ട്.
ഇന്നലെയും യു എ ഇ യുടെ വിവിധ ഭാഗങ്ങളിൽ ബുധനാഴ്ച ശക്തമായ മഴയും ആലിപ്പഴവർഷവുമുണ്ടായി. ദുബൈ, ഷാർജ, റാസൽഖൈമ, ഫുജൈറ എന്നിവിടങ്ങളിലും താരതമ്യേന ശക്തമായ മഴ ലഭിച്ചു. ഏറ്റവും ശക്തമായ മഴ ലഭിച്ചത് അബൂദബി എമിറേറ്റിലാണ്. അബൂദബിയിലെ മദീനത്ത് അൽ റിയാദിലും ഷാർജയിലെ ഖതായിലും ആലിപ്പഴവർഷവുമുണ്ടായി.അസ്ഥിര കാലാവസ്ഥ തുടരുമെന്ന കാലാവസ്ഥ നിരീക്ഷണകേന്ദ്രത്തിന്‍റെ അറിയിപ്പിന്‍റെ പശ്ചാത്തലത്തിൽ ജനങ്ങള്‍ ജാഗ്രത പാലിക്കണമെന്ന് അധികൃതര്‍ അറിയിച്ചു.