ഈജിപ്തിലെ പരമോന്നത ബഹുമതിയായ ഓഡർ ഓഫ് ദ നൈൽ ബഹുമതി ഇന്ത്യൻ പ്രധാനമന്ത്രി നരേന്ദ്ര മോദിക്ക് ഈജിപ്ത് പ്രസിഡന്റ് അബ്ദുൽ ഫത്തേഹ് എൽ സിസി സമ്മാനിച്ചു. അബ്ദുല് ഫത്താഹ് എല്-സിസിയുടെ പ്രത്യേക ക്ഷണപ്രകാരമാണ് പ്രധാനമന്ത്രി ഈജിപ്ത് സന്ദര്ശനത്തിനെത്തിയത്. മോദിയുടെ ഈജിപ്ത് സന്ദര്ശനവേളയിലായിരുന്നു രാഷ്ട്രത്തലവന് വിശിഷ്ടാതിഥിയ്ക്ക് ബഹുമതി കൈമാറിയത്. ഈജിപ്തിലെ ഏറ്റവും വലിയ ദേശീയ ബഹുമതിയാണിത്. 26 കൊല്ലത്തിനിടെ ഈജിപ്തിലേക്ക് ഉഭയകക്ഷി സന്ദര്ശനത്തിനെത്തുന്ന ആദ്യഇന്ത്യന് പ്രധാനമന്ത്രിയാണ് മോദി. രണ്ടു രാജ്യങ്ങൾക്കുമിടയിലെ സഹകരണം ശക്തമാക്കാനുള്ള കരാറിലും ഇരുവരും ഒപ്പു വച്ചു.
രണ്ട് ദിവസത്തെ സന്ദര്ശനത്തിനാണ് പ്രധാനമന്ത്രി നരേന്ദ്രമോദി ഈജിപ്തിലെത്തിയത്. ഇതാദ്യമായാണ് മോദി ഈജിപ്റ്റ് സന്ദർശിക്കുന്നത്. കഴിഞ്ഞ വർഷം പ്രതിരോധമന്ത്രി രാജ്നാഥ് സിങ്, വിദേശകാര്യമന്ത്രി എസ് ജയശങ്കർ എന്നിവർ ഈജിപ്റ്റ് സന്ദർശിച്ചിരുന്നു. ഈ വർഷത്തെ ഇന്ത്യയിലെ റിപ്പബ്ലിക് ദിനാഘോഷത്തില് ഈജിപ്റ്റ് പ്രസിഡന്റായിരുന്നു മുഖ്യാതിഥി.
അബ്ദുല് ഫത്താഹ് എല്-സിസിയുമായി ചര്ച്ചകള് നടത്തിയ നരേന്ദ്ര മോദി ഈജിപ്തിലെ ചരിത്രപ്രധാനമായ അല്-ഹക്കിം പള്ളി, കെയ്റോയിലെ ഹീലിയോപോളിസ് കോമണ്വെല്ത്ത് വാര് സെമിട്രി എന്നിവ സന്ദര്ശിച്ചു. ജി-20 ഉച്ചകോടിയില് പങ്കെടുക്കുന്നതിനായി എല്-സിസി സെപ്റ്റംബറില് ഇന്ത്യയിലെത്തും. പ്രത്യേക ക്ഷണിതാവായാണ് എല്-സിസിയുടെ ഇന്ത്യാസന്ദര്ശനം.