അമേരിക്കയില് ഫ്ലോറിഡയിലുണ്ടായ കൂട്ട വെടിവെയ്പ്പില് 9 പേര്ക്ക് പരിക്കേറ്റു. ചൊവ്വാഴ്ച രാവിലെയാണ് വെടിവെയ്പ്പ് ഉണ്ടായിരിക്കുന്നത്. കാലിഫോര്ണിയയിലെ മോണ്ടെറി പാര്ക്കില് ചൈനീസ് പുതുവത്സര പരിപാടിയില് 72കാരനായ ഒരാള് 10 പേരെ കൊലപ്പെടുത്തിയിരുന്നു. രക്ഷപ്പെടാന് ശ്രമിക്കുന്നതിനിടെ 72കാരന് സ്വയം വെടിയുതിര്ത്ത് മരിക്കുകയും ചെയ്തിരുന്നു. ഒരാഴ്ച മുമ്പ് കാലിഫോണിയയിലുള്ള ഹാഫ് മൂണ് ബേയിലുണ്ടായ വെടിവെയ്പ്പില് ഏഴ് പേര് കൊല്ലപ്പെട്ടിരുന്നു. വെടിവെയ്പ്പില് ചൈനീസ് കര്ഷക തൊഴിലാളികളാണ് കൊല്ലപ്പെട്ടത്. പ്രതിയെ പോലീസ് കസ്റ്റഡിയിലെടുത്തിരുന്നു.
