യുഎസിലെ പ്രമുഖ മാദ്ധ്യമങ്ങളായ സി എൻ എൻ മുതൽ വാഷിംഗ്ടൺ പോസ്റ്റ് വരെയുള്ള മാദ്ധ്യമങ്ങൾ ജീവനക്കാരെ പിരിച്ചു വിടാൻ ഒരുങ്ങുന്നു എന്ന് റിപ്പോർട്ടുകൾ. കടുത്ത സാമ്പത്തിക മാന്ദ്യമാണ് പിരിച്ചുവിടലിന് കാരണമെന്നാണ് സൂചനകൾ. വോക്സ്, ദ വെർജ് മാസികകളുടെയും വെബ്സൈറ്റുകളുടെയും ഓൺലൈൻ പ്ലാറ്റ്ഫോം ഉടമയായ വോക്സ് മീഡിയ 7% ജീവനക്കാരെ പിരിച്ചുവിടുന്നതായി പ്രഖ്യാപിച്ചിട്ടുണ്ട്. ഇത് സംബന്ധിച്ച് മീഡിയ സി ഇ ജിം ബാങ്കോഫ് അറിയിപ്പ് നൽകി.
ഗൂഗിൾ മൈക്രോസോഫ്റ്റ് തുടങ്ങിയ വമ്പൻ കോർപ്പറേറ്റുകളും അടുത്തകാലത്തായി സാമ്പത്തിക മാന്ദ്യത്തെ തുടർന്ന് ജീവനക്കാരെ പിരിച്ചുവിടാൻ തുടങ്ങിയിട്ടുണ്ട്. അതേസമയം തന്ത്രപരമായ മേഖലകളിൽ നിയമനം തുടരുമെന്നാണ് റിപ്പോർട്ടുകൾ