ഇരതേടി ഒരു പുള്ളിപ്പുലി റോഡരികിലൂടെ നടക്കുന്നതും വഴിമധ്യത്തിൽ ഒരു കൂട്ടം ബാബൂണുകളുടെ അടുത്തേക്ക് എത്തുന്നതോടെ കീഴടക്കാനായി ബാബൂണുകൾക്ക് നേരെ പുലി ചാടി വീഴുകയുമാണ് ചെയ്യുന്നത്. എന്നാൽ 50 ഓളം ബാബൂണുകൾ പുള്ളിപ്പുലിയെ കീഴടക്കുന്നു. ഇതോടെ ആക്രമണത്തിൽ നിന്ന് രക്ഷപ്പെട്ട് പുള്ളിപ്പുലി ഓടിമറയുന്നതാണ് ദൃശ്യങ്ങളിൽ ഉള്ളത്.
ദക്ഷിണാഫ്രിക്കയിൽ നിന്നുള്ള വീഡിയോ ആണ് വൈറൽ ആവുന്നത്. 38-കാരിയായ മെർവ് മെർസിൻലിഗിൽ എന്ന പിയാനിസ്റ്റ് തന്റെ ആദ്യത്തെ ക്രൂഗർ നാഷണൽ പാർക്ക് സഫാരിയിൽ ഭർത്താവ് വിക്ടർ സോണ്ടാഗിനൊപ്പമാണ് ഈ ദൃശ്യങ്ങൾ ക്യാമറയിൽ പകർത്തിയത്.