പ്രസവ ശസ്ത്രക്രിയയ്ക്കിടെ വയറ്റില് കത്രിക കുടുങ്ങിയെന്ന ഹര്ഷിന എന്ന യുവതിയുടെ പരാതിയില് ഒടുവില് അന്വേഷണം പൂര്ത്തിയായി. കോഴിക്കോട് മെഡിക്കല് കോളേജില് നടത്തിയ ശസ്ത്രക്രിയയ്ക്കിടെ തന്നെയാണ് യുവതിയുടെ വയറ്റില് കത്രിക കുടുങ്ങിയതെന്നാണ് കണ്ടെത്തല്. മെഡിക്കല് കോളജ് അസിസ്റ്റന്റ് കമ്മിഷണര് കെ.സുദര്ശനാണ് അന്വേഷണം നടത്തിയത്. സംഭവത്തില് രണ്ട് ഡോക്ടര്മാരും രണ്ട് നഴ്സുമാരും കുറ്റക്കാരാണെന്നാണ് പോലീസ് അന്വേഷണ റിപ്പോര്ട്ട് പറയുന്നത്.
കുറ്റക്കാരെ നിയമത്തിന് മുന്നിൽ കൊണ്ടുവരുന്നത് വരെ സമര രംഗത്തുണ്ടാവുമെന്നും സമരം തുടരുമെന്നും
എത്ര മൂടിവെച്ചാലും സത്യം പുറത്തുവരും, നീതി ലഭിക്കും വരെ പോരാട്ടം തുടരും, ഇനിയൊരാള്ക്ക് ഈ അവസ്ഥയുണ്ടാകരുത് എന്ന് ഹര്ഷിന പ്രതികരിച്ചു. തനിക്ക് അർഹമായ നഷ്ടപരിഹാരം കിട്ടണം, താൻ പറഞ്ഞതിൽ ഒരു ശതമാനം പോലും കള്ളമില്ലെന്ന് തെളിഞ്ഞു. വീട്ടമ്മയായ തന്നെ തെരുവിൽ സമരം ചെയ്യുന്നതിലേക്ക് വലിച്ചിഴച്ചു. തുച്ഛമായ നഷ്ടപരിഹാരം തന്ന് സമരം അവസാനിപ്പിക്കാൻ ശ്രമിച്ചു. നഷ്ടപരിഹാരം പര്യാപ്തമല്ലെന്ന് തന്നവർക്കും അറിയാം. കുറ്റക്കാരായ ആരോഗ്യ പ്രവർത്തകർക്കെതിരെ കർശന നടപടി ഉണ്ടാവണമെന്നും ഹർഷിന പറഞ്ഞു.
2017 നവംബര് 30 പ്രസവ ശസ്ത്രക്രിയ നടന്നതിന് ശേഷം ഹര്ഷിനയ്ക്ക് വേദന ഒഴിഞ്ഞ സമയം ഉണ്ടായിട്ടില്ല. വയറ്റില് കുടുങ്ങിയ കത്രികയുമായി 5 വര്ഷമാണ് യുവതി വേദന തിന്നത്. വേദന മാറാന് പല ആശുപത്രിയിലും ചികിത്സ ചെയ്തെങ്കിലും ഫലം കണ്ടില്ല. പിന്നീട് 2022 സെപ്റ്റംബര് 13ന് സ്വകാര്യ ആശുപത്രിയിലെ സിടി സ്കാനിംഗിലാണ് മൂത്രസഞ്ചിയില് കത്രിക കണ്ടെത്തുന്നത്. പിന്നീട് മെഡിക്കല് കോളജില് വെച്ച് തന്നെ വീണ്ടും ശസ്ത്രക്രിയ നടത്തി കത്രിക പുറത്തെടുത്തു.
മാതൃ – ശിശു സംരക്ഷണ കേന്ദ്രത്തില് നടത്തിയ മൂന്നാമത്തെ പ്രസവത്തിലാണ് ഹര്ഷിനയുടെ ശരീരത്തില് കത്രിക കുടുങ്ങിയത്. പോലീസ് അന്വേഷണ റിപ്പോര്ട്ട് ഡിഎംഒയ്ക്ക് കൈമാറി. തുടര് നടപടികള്ക്ക് മെഡിക്കല് ബോര്ഡ് രൂപീകരിക്കണം എന്നും നിര്ദേശമുണ്ട്. അടുത്ത മാസം ഒന്നിന് മെഡിക്കല് ബോര്ഡ് ചേര്ന്ന് റിപ്പോര്ട്ട് വിലയിരുത്തും. സംഭവത്തിൽ നിർണായകമായത് എംആർഐ റിപ്പോർട്ട് ആണ്. കൊല്ലത്തെ ആശുപത്രിയിൽ നടത്തിയ എംആർഐ പരിശോധനയാണ് വഴിത്തിരിവായത്. എംആർഐ പരിശോധനയിൽ ഹർഷിനയുടെ ശരീരത്തിൽ ലോഹങ്ങളൊന്നും കണ്ടെത്തിയിരുന്നില്ല. മെഡിക്കൽ കോളേജിലെ പ്രസവ ശസ്ത്രക്രിയയ്ക്ക് മുമ്പായിരുന്നു ഇത്. 2017 നവംബർ 30 ന് ആയിരുന്നു മെഡിക്കൽ കോളേജിലെ പ്രസവ ശസ്ത്രക്രിയ. 2017 ഫെബ്രുവരിയിൽ ആയിരുന്നു കൊല്ലത്ത് വച്ച് ഹർഷിന എംആർഐ ടെസ്റ്റ് നടത്തിയത്.