കൊല്ലം ഉമയനല്ലൂരിൽ സ്കൂൾ ബസ് മറിഞ്ഞ് 18 കുട്ടികൾക്ക് പരിക്കേറ്റു. മയ്യനാട് ഹയർ സെക്കൻഡറി സ്കൂളിലെ വിദ്യാർത്ഥികൾ സഞ്ചരിച്ച ബസ്സാണ് അപകടത്തിൽപ്പെട്ടത്. ഇന്ന് രാവിലെയോടെ അമിതവേഗതയിൽ വന്ന ബസ് നിയന്ത്രണം വിട്ട് മതിലിൽ ഇടിച്ചുമറിയുകയായിരുന്നു. പരിക്കേറ്റ കുട്ടികളെ കൊല്ലത്ത് സ്വകാര്യ ആശുപത്രിയിൽ പ്രവേശിപ്പിച്ചു ആരുടെയും പരിക്ക് ഗുരുതരമായ എന്നതാണ് ആശുപത്രി വൃത്തങ്ങൾ അറിയിക്കുന്നത്. അപകടം നടന്ന ഉടൻ ഓടിക്കൂടിയ നാട്ടുകാരാണ് രക്ഷാപ്രവർത്തനം നടത്തി കുട്ടികളെ ആശുപത്രിയിലേക്ക് എത്തിച്ചത്. ബസ് അമിത വേഗത്തിലായിരുന്നു എന്ന് ദൃക്സാക്ഷികൾ മൊഴി നൽകിയിട്ടുണ്ട്.
