സംസ്ഥാനത്തെ ഗവ. ആര്ട്സ് ആന്ഡ് സയന്സ് കോളജുകളില് നിയമിക്കേണ്ട പ്രിന്സിപ്പല്മാരുടെ പട്ടികയില് ഉന്നത വിദ്യാഭ്യാസ മന്ത്രിആര് ബിന്ദു ഇടപെട്ടതായി വിവരാവകാശ രേഖ. പട്ടികയില്നിന്നു തഴയപ്പെട്ടവരെ കൂടി ഉള്പ്പെടുത്തുന്നതിന് അപ്പീല് കമ്മിറ്റിയെ നിയോഗിക്കുന്നതിന് വേണ്ടിയായിരുന്നു മന്ത്രി ഇടപെട്ടത്. പ്രിൻസിപ്പൽ നിയമനത്തിൽ അനിശ്ചിതത്വത്തിൽ തുടരുന്നതിനിടെയാണ് നിർണ്ണായകമായ വിവരാവകാശ രേഖ പുറത്ത് വന്നത്. സെലക്ട് കമ്മിറ്റി നിര്ദേശിച്ച 43 പേരുടെ അന്തിമ പട്ടികയില് തിരുത്തല് വരുത്തിയത് മന്ത്രിയുടെ നിര്ദേശപ്രകാരം.
43 പേരുടെ പട്ടിക ഡിപ്പാർട്ടുമെന്റൽ പ്രൊമോഷൻ കമ്മിറ്റി അംഗീകരിക്കുകയും, നിയമനത്തിന് കോളേജ് വിദ്യാഭ്യാസ ഡയറക്ടർ ശുപാർശ ചെയ്യുകയും ചെയ്തിരുന്നു. നിയമനത്തിനായി സമർപ്പിച്ച ശുപാർശ ഫയലിലാണ് ഉന്നത വിദ്യാഭ്യാസമന്ത്രി ഇടപെട്ടന്ന വിവരം പുറത്ത് വരുന്നത്. ഡിപ്പാർട്ടുമെന്റൽ പ്രൊമോഷൻ കമ്മിറ്റി അംഗീകരിച്ച 43 പേരുടെ പട്ടികയിൽ നിന്ന് പ്രിൻസിപ്പൽ നിയമനം നൽകുന്നതിന് പകരം, ഈ പട്ടിക കരടായി പ്രസിദ്ധീകരിക്കാനും അപ്പീൽ കമ്മിറ്റി രൂപവത്കരിക്കാനും 2022 നവംബർ 12നാണ് മന്ത്രി ആർ ബിന്ദു ഫയലിൽ എഴുതിയത്. സെലക്ഷൻ കമ്മിറ്റിയുടെ തിരഞ്ഞെടുപ്പ് പ്രക്രിയയുടെ സമ്പൂർണ ഫയൽ ഹാജരാക്കാനും മന്ത്രി നിർദേശം നൽകി.
മന്ത്രിയുടെ ഇടപെടലിനെത്തുടര്ന്ന് അന്തിമപട്ടികയെ കരടു പട്ടികയാക്കി കോളജ് വിദ്യാഭ്യാസ ഡയറക്ടര് കഴിഞ്ഞ ജനുവരി 11ന് പ്രസിദ്ധീകരിച്ചു. തുടര്ന്നാണ് സര്ക്കാര് രൂപവത്കരിച്ച അപ്പീല് കമ്മിറ്റി സെലക്ഷന് കമ്മിറ്റി അയോഗ്യരാക്കിയവരെ കൂടി ഉള്പ്പെടുത്തി 76 പേരുടെ പട്ടിക തയാറാക്കിയത്. എന്നാല് 43 പേരുടെ പട്ടികയില് നിന്ന് നിയമനം നടത്തുന്നതിന് പകരം 76 പേരുടെ പട്ടികയില് നിന്ന് നിയമനം നടത്താനുള്ള സര്ക്കാര് നീക്കം കേരള അഡ്മിനിസ്ട്രേറ്റീവ് ട്രിബ്യൂണല് തടഞ്ഞിരുന്നു. ട്രിബ്യുണല് പുറപ്പെടുവിച്ച ഉത്തരവിൽ 43 പേരുടെ പട്ടികയില് നിന്ന് മാത്രമേ നിയമനം നടത്താവൂ എന്ന് വ്യക്തമാക്കിയിട്ടുണ്ട്.