ഇത്തവണത്തെ വിശ്വസുന്ദരിപട്ടം കരസ്ഥമാക്കി അമേരിക്കൻ സുന്ദരി ആർബോണി ഗബ്രിയേൽ. 2021 ലെ മിസ്സ് യൂണിവേഴ്സ് ആയ ഇന്ത്യയുടെ ഹാർണാസ് സന്ദു വിജയിയെ കിരീടമണിയിച്ചു. 11 വർഷത്തിനു ശേഷമാണ് അമേരിക്കയ്ക്ക് മിസ്സ് യൂണിവേഴ്സ് കിരീടം ലഭിക്കുന്നത്.
വിവിധ രാജ്യങ്ങളിൽ നിന്നുള്ള 80 ഓളം സുന്ദരികളാണ് മിസ്സ് യൂണിവേഴ്സ് പട്ടത്തിനായി മത്സരിച്ചത്. മിസ് വെനസ്വേല അമാൻഡ ഡുഡമൽ രണ്ടാം സ്ഥാനം നേടി. മിസ് ഡൊമനിക്കൻ റിപ്പബ്ലിക് ആൻഡ്രിന മാർട്ടിനസ് മൂന്നാം സ്ഥാനം കരസ്ഥമാക്കി. അത്യന്തം വികാരഭരിതയായാണ് ഹർനാസ് സന്ധു വിജയിയെ കിരീടമണിക്കാൻ എത്തിയത്. ടെക്സാസിലെ ഹൂസ്സണിൽ ഫാഷൻ ഡിസൈനറാണ് ആർബോണി ഗബ്രിയേൽ. ചോദ്യറൗണ്ടിൽ ഫാഷനെയും വസ്ത്രത്തെയും കുറിച്ചാണ് പ്രധാനമായും ഗബ്രിയേൽ സംസാരിച്ചത്. ഒപ്പം താൻ മനുഷ്യ കടത്തിനേയും ഗാർഹിക പീഡനത്തിനെയും അതിജീവിച്ച സ്ത്രീകൾക്കായി പ്രവർത്തിക്കുമെന്നും പറഞ്ഞു.