62-ാമത് സംസ്ഥാന സ്കൂള് കലോത്സവ കിരീടം സ്വന്തമാക്കി കണ്ണൂര് . 952 പോയിന്റ് നേടിയാണ് 23 വര്ഷത്തിന് ശേഷം കണ്ണൂര് സ്വര്ണക്കപ്പില് മുത്തമിടുന്നത്. ഇത് നാലാം തവണയാണ് കണ്ണൂര് കിരീടം നേടുന്നത്. അവസാന നിമിഷം വരെ നീണ്ട ഇഞ്ചോടിഞ്ച് പോരാട്ടത്തിൽ കോഴിക്കോടിനെ പിന്നിലാക്കിയാണ് കണ്ണൂര് ജില്ല ഒന്നാമതായത്. മൂന്ന് പോയിന്റ് വ്യത്യാസത്തിലായിരുന്നു നേട്ടം. വെറും മൂന്ന് പോയിന്റുകളുടെ വ്യത്യാസത്തിലാണ് കോഴിക്കോട് കിരീടം കൈവിട്ടത്. 949 പോയിന്റ് കോഴിക്കോട് നേടി. ഇത്തവണ പാലക്കാടാണ് മൂന്നാമത്. 938 പോയിന്റാണ് പാലക്കാട് നേടിയത്. നാടോടി നൃത്തം, പരിചമുട്ട്, വഞ്ചിപ്പാട്ട്, ട്രിപ്പിൾ ജാസ് തുടങ്ങിയ മത്സരങ്ങളാണ് ഇന്ന് വേദിയിൽ നടന്നത്.
ഈ വര്ഷം ഹൈസ്കൂള് വിഭാഗം സ്കൂളുകളില് പാലക്കാട് ജില്ലയിലെ ബിഎസ്എസ് ഗുരുകുലം എച്ച് എസ് എസ് ആലത്തൂരാണ് ഒന്നാം സ്ഥാനത്തെത്തിയത്. 244 പോയിന്റാണ് സ്കൂളിനെ ഒന്നാമതെത്തിച്ചത്. അതേസമയം 64 പോയിന്റുമായി തിരുവനന്തപുരം വഴുതക്കാട് കാര്മല് ഹയര് സെക്കന്ഡറി സ്കൂളാണ് രണ്ടാമത്. ഹയര് സെക്കന്ററി വിഭാഗത്തിലും ആലത്തൂര് ബിഎസ്എസ് ഗുരുകുലം ഹയര്സെക്കന്ഡറി സ്കൂള് തന്നെയാണ് ഒന്നാം സ്ഥാനത്ത്. 143 പോയിന്റ് സ്കൂള് നേടി. രണ്ടാമത് മാന്നാര് എന്എസ് ബോയ്സ് ഹയര് സെക്കന്ഡറി സ്കൂളാണ്.
സമാപന സമ്മേളനം പ്രതിപക്ഷ നേതാവ് വിഡി സതീശനാണ് ഉദ്ഘാടനം ചെയ്തത്. മന്ത്രി ശിവൻകുട്ടി അധ്യക്ഷത വഹിച്ചു.ജയപരാജയങ്ങൾ കലാപ്രവർത്തനത്തെ ബാധിക്കരുതെന്ന് സമ്മാന വിതരണ ചടങ്ങിൽ മുഖ്യാതിഥിയായെത്തിയ നടൻ മമ്മൂട്ടി കുട്ടികളോട് പറഞ്ഞു. അടുത്തവർഷം മുതൽ കലോത്സവം പുതിയ മാനുവൽ അനുസരിച്ചാവും നടത്തുകയെന്ന് വിദ്യാഭ്യാസമന്ത്രി വി ശിവൻകുട്ടി വ്യക്തമാക്കി.