സംസ്ഥാനത്ത് ഭക്ഷ്യ സുരക്ഷാ മാനദണ്ഡമനുസരിച്ച് ഹെല്ത്ത് കാര്ഡ് എടുക്കാനുള്ള സമയപരിധി നീട്ടിനൽകി. ഹെല്ത്ത് കാര്ഡ് എടുക്കാനുള്ള ആളുകളുടെ തിരക്കും കൂടുതല് സമയം അനുവദിക്കണമെന്ന സ്ഥാപന ഉടമകളുടെ ആവശ്യവും പരിഗണിച്ചാണ് സാവകാശം അനുവദിക്കുന്നത്. എല്ലാ രജിസ്റ്റേർഡ് മെഡിക്കല് പ്രാക്ടീഷണര്മാരും ആവശ്യമായ പരിശോധനകള് നടത്തി അടിയന്തരമായി ഹെല്ത്ത് കാര്ഡ് നല്കേണ്ടതാണെന്നും മന്ത്രി നിര്ദേശം നല്കി. സംസ്ഥാനത്ത് ഭക്ഷണം പാകം ചെയ്യുന്നതും വിതരണം ചെയ്യുന്നതും വില്പന നടത്തുന്നതുമായ എല്ലാ സ്ഥാപനങ്ങളിലും ഭക്ഷ്യ വസ്തുക്കള് കൈകാര്യം ചെയ്യുന്ന എല്ലാ ജീവനക്കാരും ഹെല്ത്ത് കാര്ഡ് എടുക്കണം.
ഫെബ്രുവരി ഒന്നുമുതല് ഭക്ഷ്യസുരക്ഷാ വകുപ്പ് ശക്തമായ പരിശോധന തുടരും. ഭക്ഷ്യ സുരക്ഷാ മാനദണ്ഡമനുസരിച്ച് സംസ്ഥാനത്ത് ഹെല്ത്ത് കാര്ഡ് എടുക്കാത്ത ഹോട്ടലുകൾക്കെതിരെ ഫെബ്രുവരി 16 മുതല് നടപടി സ്വീകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. ഫെബ്രുവരി ഒന്ന് മുതലാണ് നേരത്തെ ഹെല്ത്ത് കാര്ഡ് നിർബന്ധമാക്കിയിരുന്നത്