ക്ഷേമപ്രവർത്തനങ്ങൾക്ക് മുൻതൂക്കം നൽകി രണ്ടാം പിണറായി സര്ക്കാരിന്റെ അവസാനത്തെ ബജറ്റ് ധനമന്ത്രി കെഎൻ ബാലഗോപാൽ അവതരിപ്പിച്ചു. ടി എം തോമസ് ഐസക്കിനും ഉമ്മൻ ചാണ്ടിക്കും ശേഷം കേരള നിയമസഭയിലെ ദൈർഘ്യമേറിയ നാലാമത്തെ ബജറ്റാണ് കെ എൻ ബാലഗോപാൽ അവതരിപ്പിച്ചത്. 2 മണിക്കൂറും 52 മിനിറ്റുമായിരുന്നു അവതരണം. ബജറ്റിലെ പ്രധാന പ്രഖ്യാപനങ്ങൾ.
കെ ഫോണിന് 112.44 കോടി, ഡിജിറ്റൽ സര്വകലാശാലക്ക് 27.8 കോടി, സ്റ്റാര്ട്ടപ്പ് മിഷന് 99.5 കോടി, പ്രീ-പ്രൈമറി അധ്യാപകരുടെ പ്രതിമാസ വേതനം 1000 രൂപ ഉയര്ത്തി. പുതിയ ഐടി നയം ഉടൻ പുറത്തിറക്കും. കൊച്ചിയിൽ കള്ച്ചറൽ ഇൻക്യൂബേറ്റര്,സ്കൂള് പാചക തൊഴിലാളികളുടെ പ്രതിദിന വേതനത്തില് 25 രൂപ വര്ധിപ്പിച്ചു. സാക്ഷരതാ പ്രേരക്മാരുടെ പ്രതിമാസ വേതനം 1000 രൂപ ഉയര്ത്തി.
കരാര്/ദിവസവേതന ജീവനക്കാരുടെ പ്രതിദിന വേതനത്തില് 5 ശതമാനം വര്ധനവ് വരുത്തി. ലൈബ്രേറിയന്മാരുടെ പ്രതിമാസ അലവന്സ് 1000 രൂപ വര്ധിപ്പിച്ചു. കാന്സര്, ലെപ്രസി, എയ്ഡ്സ്, ക്ഷയ രോഗബാധിതരുടെ പ്രതിമാസ പെന്ഷന് 1000 രൂപ വര്ധിപ്പിച്ചു.
ജില്ലാ ആശുപത്രികളില് MENOPAUSE ക്ലിനിക്കുകള് സ്ഥാപിക്കാന് 3 കോടി. അപൂര്വ്വയിനം രോഗങ്ങള്ക്കുള്ള ചികിത്സാ പദ്ധതിയായ KARE-ല് സ്പൈനല് മസ്കുലാര് അട്രോഫി രോഗത്തിന് മരുന്ന് ലഭ്യമാക്കാന് 30 കോടി. കാരുണ്യ ആരോഗ്യസുരക്ഷാ പദ്ധതിയുടെ മാനദണ്ഡങ്ങളുടെ പരിധിയ്ക്ക് പുറത്തുള്ള കുടുംബങ്ങള്ക്ക് പുതിയ ആരോഗ്യ ഇന്ഷുറന്സ് പദ്ധതി – 50 കോടി. റോഡ് സുരക്ഷക്ക് 23.37 കോടി
കട്ടപ്പന -തേനി തുരങ്ക പാത സാധ്യത പഠനത്തിന് 10 കോടി, റോഡ് ഡിസൈൻ നിലവാരം ഉയര്ത്തൽ- 300 കോടി
തലസ്ഥാന നഗര റോഡ് മാതൃകയിൽ നഗര റോഡ് വികസനത്തിന് അനുവിറ്റി പദ്ധതി- 58. 89 കോടി
കെഎസ്ആർടിസി ഡിപ്പോ വർക്ക് ഷോപ്പ് നവീകരണത്തിന് 40 കോടി, ഉള്നാടൻ ജലപാത നവീകരണം- 70.8 കോടി, റോഡപകടത്തില്പ്പെടുന്നവര്ക്കായി ലൈഫ് സേവര് പദ്ധതി. ആദ്യത്തെ 5 ദിവസം പണരഹിത ചികിത്സ, ഒന്നു മുതല് 12-ാം ക്ലാസ്സ് വരെയുള്ള സ്കൂള് വിദ്യാര്ത്ഥികള്ക്ക് അപകട ലൈഫ് ഇന്ഷുറന്സ് പദ്ധതിയ്ക്ക് 15 കോടി.
കിളിമാനൂര്, നിലമേല്, ചടയമംഗലം, ആയൂര്, പന്തളം, ചെങ്ങന്നൂര് പട്ടണങ്ങളില് ബൈപാസുകള്. ആശാ വര്ക്കർമാരുടെ പ്രതിമാസ വേതനം 1000 രൂപ ഉയർത്തി.
അങ്കണവാടി വര്ക്കര്മാരുടെ പ്രതിമാസ വേതനം 1000 രൂപയും ഹെല്പ്പര്മാരുടെ പ്രതിമാസ വേതനം 500 രൂപയും ഉയര്ത്തി.
പഞ്ചായത്ത് മെമ്പര്മാര്, കൗണ്സിലര്മാര് എന്നിവരുടെ ഓണറേറിയം വര്ധിപ്പിക്കും.
തദ്ദേശസ്വയംഭരണ സ്ഥാപനങ്ങളിലെ മുന്ജനപ്രതിനിധികളുടെ ക്ഷേമത്തിനായി ക്ഷേമനിധി.
മുന് മുഖ്യമന്ത്രി വി എസ് അച്യുതാനന്ദന്റെ സ്മരണ നിലനിര്ത്താന് തിരുവനന്തപുരത്ത് വി.എസ് സെന്റര് സ്ഥാപിക്കുന്നതിന് 20 കോടി.
കട്ടപ്പന – തേനി തുരങ്കപാതയുടെ സാധ്യതാ പഠനത്തിന് 10 കോടി. ഇസ്ലാമിക പണ്ഡിതനും സാമൂഹിക പരിഷ്കര്ത്താവുമായിരുന്ന ശൈഖ് സൈനുദീന് മഖദൂം രണ്ടാമന്റെ പേരില് പൊന്നാനിയില് ചരിത്ര ഗവേഷണ സെന്റര് സ്ഥാപിക്കാന് 3കോടി രൂപ.
അയ്യങ്കാളി പഠന കേന്ദ്രത്തിന് 1.5 കോടി. കാവാരികുളം കണ്ടന് കുമാരന് പഠന കേന്ദ്രത്തിന് 1.5 കോടി.
മാര് ഇവാനിയോസ് മ്യൂസിയത്തിന് 1.5 കോടി. പത്രപ്രവര്ത്തക പെന്ഷന് പ്രതിമാസം 1500 രൂപ വര്ധിപ്പിച്ചു.
കുടുംബശ്രീ ഉല്പ്പന്നങ്ങളുടെ പ്രചാരണവും വിതരണവും ലക്ഷ്യമിട്ട് മാര്ക്കറ്റിംഗ് വിതരണ ശൃംഖലയ്ക്ക് 22.27 കോടി.
തിരുവനന്തപുരം-അങ്കമാലി എം.സി റോഡ് വികസനത്തിന് 5217 കോടി രൂപയുടെ കിഫ്ബി പദ്ധതി.
തിരുവനന്തപുരം- കാസര്ഗോഡ് റീജിയണല് റാപ്പിഡ് ട്രാന്സിറ്റ് സിസ്റ്റം (RRTS) പദ്ധതി പ്രാരംഭ പ്രവര്ത്തനങ്ങള്ക്കായി 100 കോടി.
ധനകാര്യ ഭരണസംവിധാനം ശക്തിപ്പെടുത്തുന്നതിന് കൊച്ചിയില് ഫിനാന്സ് ടവര്.
കാര്ഷിക, അനുബന്ധ മേഖലയ്ക്ക് 2071.95 കോടി. മുഖ്യമന്ത്രിയുടെ സ്ത്രീ സുരക്ഷാ പദ്ധതിയ്ക്ക് 3720 കോടി.
മുഖ്യമന്ത്രിയുടെ കണക്ട് ടു വര്ക്ക് സ്കോളര്ഷിപ്പ് പദ്ധതിയ്ക്ക് 400 കോടി. ക്ഷേമപെന്ഷന് നല്കുന്നതിനായി 14,500 കോടി.
നികുതിദായകരെ ആദരിക്കാനും പുരസ്കാരം നല്കുന്നതിനും 5 കോടി. കേരളത്തിലെ എല്ലാ പൗരന്മാര്ക്കും നേറ്റിവിറ്റി കാര്ഡ് നല്കുന്ന പദ്ധതിയ്ക്ക് 20 കോടി. തദ്ദേശ സ്വയംഭരണ സ്ഥാപനങ്ങള്ക്ക് ജനറല് പര്പ്പസ് ഫണ്ട് 3237 കോടിയും മെയിന്റനന്സ് ഫണ്ട് 4316 കോടിയും പ്ലാന് ഫണ്ട് 10,189 കോടിയും. വിഴിഞ്ഞം തുറമുഖത്തുനിന്നും ചവറയെയും കൊച്ചിയെയും ബന്ധിപ്പിക്കുന്ന റെയര് എര്ത്ത് കോറിഡോര് ചവറയില് സ്ഥാപിക്കും. ഇതിലൂടെ 42,000 കോടി രൂപയുടെ നിക്ഷേപങ്ങളും 50,000 കോടിയുടെ തൊഴിലവസരങ്ങളും സൃഷ്ടിക്കും.
ക്രിറ്റിക്കല് മിനറല് മിഷന് 100 കോടി, പ്രതിരോധ ഇടനാഴിയ്ക്ക് 50 കോടി. പി.പി.പി മാതൃകയില് കൊച്ചി ഇന്ഫോ പാര്ക്കില് ആര്ട്ടിഫിഷ്യല് ഇന്റലിജന്സും മറ്റ് സാങ്കേതികവിദ്യകളും ചേര്ന്ന സൈബര് വാലിയ്ക്ക് 30 കോടി. തൊഴില് പരിശീലനത്തിനും നൈപുണി സമ്പാദനത്തിനും ആഗോള സ്കൂളിന് 10 കോടി. വര്ക്ക് നിയര് ഹോം വ്യാപിപ്പിക്കുന്നതിന് 150 കോടി. ഗോത്ര മേഖലകളിലെ ഗുണമേന്മയുള്ള വിദ്യാഭ്യാസത്തിനായി 60 കോടി ചെലവില് സ്പെഷ്യല് എൻറിച്ച്മെന്റ് പദ്ധതിയ്ക്ക് 60 കോടി. ഗിഗ് തൊഴിലാളികള്ക്ക് ആധുനിക സൗകര്യങ്ങളോടുകൂടിയ ഗിഗ് ഹബ് – 20 കോടി. ഉന്നത വിദ്യാഭ്യാസത്തിന് 854.41 കോടി
സര്ക്കാര് സ്കൂളിലെ വിദ്യാര്ത്ഥികള്ക്ക് സൗജന്യ യൂണിഫോമിന് 150 കോടി
ലൈബ്രേറിയന്മാര്ക്ക് ആയിരം രൂപയുടെ ശമ്പള വർധന
കണ്ണൂര് പെരളശ്ശേരിയിൽ മാനവീയം മോഡൽ സാംസ്കാരിക ഇടനാഴി
തളിപ്പറമ്പിൽ മൃഗശാല- നാലു കോടി വകയിരുത്തി
പഴയ പെട്രോള്, ഡീസല് ഓട്ടോറിക്ഷകള് പൊളിച്ച് ഇലക്ട്രിക് ഓട്ടോകള് വാങ്ങുന്നവര്ക്ക് ഒറ്റത്തവണ സ്ക്രാപ്പേജ് ബോണസ് 40,000 രൂപ.
ഇലക്ട്രിക് ഓട്ടോറിക്ഷകള് വാങ്ങുന്നതിനായുള്ള വായ്പകള്ക്ക് 2% പലിശയിളവ്.
ഓട്ടോ സ്റ്റാന്ഡുകളില് സോളാര് അധിഷ്ഠിത ചാര്ജിംഗ് യൂണിറ്റുകള് സ്ഥാപിക്കാന് 20 കോടി.
തൊഴിലുറപ്പ് പദ്ധതിയ്ക്കായി മുന്വര്ഷത്തില് നിന്നും അധികമായി 1000 കോടി.
റിട്ടയര്മെന്റ് ഹോമുകള് സജ്ജമാക്കാന് സംഘടനകള്ക്കും ഗ്രൂപ്പുകള്ക്കും സ്വകാര്യ വ്യക്തികള്ക്കും സര്ക്കാര് സബ്സിഡി, 30 കോടി.
വീടുകളില് ഒറ്റപ്പെട്ടുപോകുന്ന മുതിര്ന്ന വ്യക്തികള്ക്ക് ഓണ് കോള് വോളന്റിയര്മാരുടെ സേവനം ലഭ്യമാക്കും- ഇതിനായി 10 കോടി.
അഡ്വക്കേറ്റ് വെല്ഫെയര് ഫണ്ട് 20 ലക്ഷമായി ഉയര്ത്തും.
സെന്റര് ഫോര് ഡെവലപ്മെന്റ് സ്റ്റഡീസ് (CDS)-നെ രാജ്യത്തെ മുന്നിര മികവിന്റെ കേന്ദ്രമാക്കി മാറ്റുന്നതിന് 10 കോടി
കേരള കലാകേന്ദ്രം സ്ഥിരം വേദികള് സ്ഥാപിക്കാന് 10 കോടി