ടോക്യോ: ചൈന, ജപ്പാൻ, അമേരിക്ക തുടങ്ങിയ രാജ്യങ്ങളിൽ കോവിഡ് കേസുകൾ കുതിച്ചുകൊണ്ടിരിക്കുന്നു. ജപ്പാനിൽ കോവിഡ് മരണനിരക്ക് വളരെ ഉയർന്ന സാഹചര്യമാണ് ഇപ്പോൾ ഉള്ളത് എന്നാണ് റിപ്പോർട്ടുകൾ. ഒരു ദിവസം മാത്രം 456 കോവിഡ് മരണമാണ് ജപ്പാനിൽ റിപ്പോർട്ട് ചെയ്തിട്ടുള്ളത്. പുതുവർഷാഘോഷങ്ങൾക്ക് പിന്നാലെ കോവിഡ് കേസുകൾ കുതിച്ചുയരുകയായിരുന്നു.
2022 ഡിസംബർ മാസത്തിൽ 768 കോവിഡ് മരണങ്ങളാണ് ജപ്പാനിൽ റിപ്പോർട്ട് ചെയ്തത്. കഴിഞ്ഞ മൂന്നു മാസത്തിനിടയിൽ ഉണ്ടായ കോവിഡ് മരണങ്ങളുടെ കണക്ക് തൊട്ടുമുമ്പത്തെ വർഷത്തെ അപേക്ഷിച്ച് 16 മടങ്ങ് കൂടുതലാണ്. മരണനിരക്കിലെ 92.4 ശതമാനവും 70, 80, 90 വയസ് പ്രായമുള്ളവർക്കിടയിലാണ് എന്നും റിപ്പോട്ടുകൾ ഉണ്ട്.
ജപ്പാനിൽ കോവിഡ് കുതിച്ചുയരുന്നു: ഒറ്റദിവസം 456 മരണം
