കളമശ്ശേരി പോളിടെക്നിക് കോളേജ് ഹോസ്റ്റലിലെ കഞ്ചാവ് വേട്ടയിൽ കൂടുതൽ വിവരങ്ങൾ പുറത്ത്. അറസ്റ്റിലായ വിദ്യാർഥികളുടെ ചോദ്യം ചെയ്യലിലാണ് വിവരങ്ങൾ ലഭിച്ചത്. ഏഴ് തവണ കഞ്ചാവ് എത്തിച്ചെന്നാണ് അറസ്റ്റിലായ വിദ്യാര്ഥികളുടെ മൊഴി. ആറുമാസം മുമ്പാണ് കോളേജ് ഹോസ്റ്റലില് കഞ്ചാവ് വില്പ്പന ആരംഭിച്ചതെന്ന് അനുരാജ് പറയുന്നു. ആഷിഖും ഷാലികുമാണ് ലഹരി എത്തിച്ചിരുന്നത്. ഇരുവരും കോളേജിലെ പൂര്വ വിദ്യാര്ഥികളാണ്. അതേസമയം കളമശ്ശേരി പോളിടെക്നിക് കോളേജില് മാത്രമല്ല ലഹരി വിപണനം നടന്നതെന്നാണ് പോലീസ് നല്കുന്ന സൂചന. അതിനാല് സമീപത്തെ മറ്റ് കോളേജ് ഹോസ്റ്റലുകള് കേന്ദ്രീകരിച്ച് അന്വേഷണവും പരിശോധനയും തുടങ്ങിയിട്ടുണ്ട്.
നിലവിൽ പോലീസ് ഹോസ്റ്റലിൽ നിന്നും കണ്ടെത്തിയ രണ്ട് കിലോ അടക്കം നാല് കിലോ കഞ്ചാവ് അനുരാജിന് കൈമാറിയിട്ടുണ്ടെന്നാണ് ആഷിക്കും ഷാലിക്കും മൊഴി നൽകിയിരിക്കുന്നത്. ബാക്കിയുള്ള രണ്ട് കിലോ കഞ്ചാവിന് വേണ്ടിയും പോലീസ് തെരച്ചിൽ നടത്തുന്നുണ്ട്. അതേസമയം ഹോസ്റ്റലിലെ കഞ്ചാവ് വേട്ടയിൽ കൂടുതൽ അറസ്റ്റുകൾ ഇന്നുണ്ടാവാൻ സാധ്യതയുണ്ട്.
യു.പി.ഐ. വഴി 16,000 രൂപയാണ് കഞ്ചാവിനായി അനുരാജ് ഇടനിലക്കാര്ക്ക് കൈമാറിയത്. ആറുമാസങ്ങള്ക്ക് മുമ്പാണ് ഇവരില്നിന്ന് കഞ്ചാവ് വാങ്ങാന് തുടങ്ങിയതെന്നാണ് വിദ്യാര്ഥികള് പറയുന്നത്. ഇന്നലെ അറസ്റ്റിലായ കൊല്ലം കരുനാഗപ്പള്ളി സ്വദേശി അനുരാജില്നിന്നാണ് പോലീസിന് കൂടുതല് വിവരങ്ങള് ലഭിച്ചത്. ആഷിഖ്, ഷാലിക് എന്നിവര്ക്കാണ് കഞ്ചാവ് വാങ്ങിയതിൻ്റെ പണം കൈമാറിയത്. എന്നാല്, ആരൊക്കെ പണം നല്കി, ആകെ എത്രരൂപ പിരിച്ചു എന്നീ ചോദ്യങ്ങള്ക്ക് അനുരാജ് മറുപടി നല്കിയിട്ടില്ലെന്നാണ് വിവരം.
യുപിഐ ഇടപാടായി പണം കൈമാറി എന്ന മൊഴിയുള്ളതിനാല് അനുരാജിന്റെയും അറസ്റ്റിലായ മറ്റുള്ളവരുടെയും ബാങ്ക് സ്റ്റേറ്റ്മെന്റ് പോലീസ് പരിശോധിക്കും. ഇതില് നിന്ന് ആരൊക്കെ പണം കൈമാറിയിട്ടുണ്ട് എന്ന് വ്യക്തമാകുമെന്നാണ് പോലീസ് പറയുന്നത്. ബാങ്കില് നിന്ന് കിട്ടുന്ന വിവരങ്ങള് അനുസരിച്ച് അറസ്റ്റിലായവരില് നിന്ന് കഞ്ചാവ് വാങ്ങിച്ചവരേയും കണ്ടെത്തും. അവരിലേക്ക് കൂടി അന്വേഷണം വ്യാപിപ്പിക്കും.