പഞ്ചാബില്‍ പാക് ഡ്രോണ്‍ വഴി ആയുധക്കടത്ത്; പിടിച്ചെടുത്ത് ബിഎസ്എഫ്

പഞ്ചാബില്‍ പാകിസ്ഥാന്‍ ഡ്രോണ്‍ വഴി കടത്താന്‍ ശ്രമിച്ച ആയുധങ്ങളുടെയും വെടിക്കോപ്പുകളും ബിഎസ്എഫ് പിടിച്ചെടുത്തു. ഇന്നലെ രാത്രി ഗുരുദാസ്പൂരിലെ അന്താരാഷ്ട്ര അതിര്‍ത്തിയിൽ ഉഞ്ച തകാല അതിര്‍ത്തി ഗ്രാമത്തിലാണ് ബിഎസ്എഫ് സൈനികര്‍ ഡ്രോണിന്റെ ശബ്ദം കേട്ടത്. സംശയം തോന്നിയ സൈനികര്‍ ഡ്രോണിന്റെ ദിശയിലേക്ക് വെടിയുതിര്‍ക്കുകയായിരുന്നു. ഇതിന് പിന്നാലെ എന്തോ നിലത്തേക്ക് വീഴുന്ന ശബ്ദവും കേട്ടതിനെതുടര്‍ന്ന് നടത്തിയ പരിശോധനയില്‍ നാല് ചൈനീസ് നിര്‍മ്മിത പിസ്റ്റളുകളും എട്ട് മാഗസിനുകളും 47 ബുള്ളറ്റ് റൗണ്ടുകളും അടങ്ങിയ പാക്കറ്റ് കണ്ടെടുക്കുകയായിരുന്നു.