ചിക്കാഗോ: ചിക്കാഗോ നഗരത്തിലെ ഗാർഫീൽഡ് പാർക്കിൽ ഹലോവീൻ രാത്രി ആഘോഷത്തിനിടെയുണ്ടായ വെടിവെപ്പിൽ 14 പേർക്ക് പരിക്കേറ്റു. ഇവരിൽ മൂന്നു കുട്ടികളും ഉൾപ്പെടുന്നു. ആളപായങ്ങളൊന്നും ഇതുവരെ റിപ്പോർട്ട് ചെയ്തിട്ടില്ലെങ്കിലും ചിലരുടെ നില ഗുരുതരമാണ്. പരിക്കേറ്റവരെ ഉടൻ തന്നെ സമീപത്തുള്ള ആശുപത്രിയിൽ പ്രവേശിപ്പിച്ചു. വെടിവെപ്പിന്റെ കാരണം വ്യക്തമല്ല. അക്രമികളെ ഇതുവരെ കണ്ടെത്താനായിട്ടില്ലെന്നും സംഭവത്തെക്കുറിച്ച് അന്വേഷണമാരംഭിച്ചതായും ചിക്കാഗൊ പൊലീസ് സൂപ്രണ്ടന്റ് പറഞ്ഞു .