ഹോം ഗ്രൗണ്ടിലെ സെഞ്ചുറികളുടെ എണ്ണത്തിൽ സച്ചിൻ തെൻടുൽക്കറോടൊപ്പം എത്തി വിരാട് കോഹ്ലി. ശ്രീലങ്കയ്ക്കെതിരായ ഏകദിന പരമ്പരയിൽ സെഞ്ചുറി അടിച്ചതോടെയാണ് വിരാട് കോഹ്ലി സച്ചിന്റെ റെക്കോർഡിനൊപ്പം എത്തിയിരിക്കുന്നത്. 47 പന്തുകളിൽ 50 തികച്ച താരം 33 പന്തുകളിൽ സെഞ്ച്വറിയിലേക്ക് എത്തി. ലങ്കയ്ക്കെതിരെ കോഹ്ലി നേടിയ ഒമ്പതാം സെഞ്ചുറി ആണത്. എട്ടു സെഞ്ചുറി നേടിയ സച്ചിൻ തെണ്ടുൽക്കറുടെ റെക്കോർഡ് ആണ് കോഹ്ലി ഭേദിച്ചത്. ഇതോടെ ഇന്ത്യയിൽ ഏറ്റവും അധികം ഏകദിന സിഞ്ചുറി നേടുന്ന താരം എന്ന സച്ചിന്റെ റെക്കോർഡിനൊപ്പം എത്താനും കോഹ്ലിക്ക് കഴിഞ്ഞു. കോഹ്ലി വിൻഡീസിനെതിരെയും ശ്രീലങ്കയ്ക്കെതിരെയും 9 ഏകദിന സെഞ്ച്വറികളാണ് നേടിയത്. ഏകദിനത്തിലെ 45 മത്തെയും അന്താരാഷ്ട്ര കരിയറിലെ 73മത്തെയും സെഞ്ചുറിയാണ് കോഹ്ലി നേടിയത്. ശ്രീലങ്കയ്ക്കെതിരായ മത്സരത്തിൽ സെഞ്ചുറി നേടിയതോടെയാണ് താരം ഈ നേട്ടം കൈവരിച്ചത്.
