ഭുവനേശ്വർ: ഞായറാഴ്ച നടന്ന ക്രോസ് ഓവർ റൗണ്ട് മത്സരത്തിൽ ന്യൂസിലാൻഡിനോട് തോറ്റതോടെ ഇന്ത്യ ഹോക്കി ലോകകപ്പിൽ നിന്നും പുറത്തായി. മത്സരത്തിൽ പെനാൽറ്റി ഷൂട്ടൗട്ടിൽ 4-5 നായിരുന്നു ഇന്ത്യയുടെ തോൽവി. നിശ്ചിത സമയത്ത് രണ്ട് ടീമുകളും മൂന്ന് വീതം ഗോളുകൾ നേടിയതോടെ മത്സരം ഷൂട്ടൗട്ടിലേക്ക് നീണ്ടു പോവുകയായിരുന്നു.
ഷൂട്ടൗട്ടിലെ ആദ്യത്തെ അഞ്ച് കിക്കിലും വിജയിയെ കണ്ടുപിടിക്കാൻ കഴിഞ്ഞില്ല. ഇതേ തുടർന്ന് വീണ്ടും അനുവദിച്ച അഞ്ച് കിക്കിൽ ഒന്നും മൂന്നും നാലും കിക്കുകൾ നഷ്ടപ്പെടുത്തിയതോടെയാണ് ഇന്ത്യ ന്യൂസിലാൻഡിന് മുന്നിൽ തോറ്റത്. മലയാളി താരവും ഗോൾകീപ്പറുമായ ശ്രീജേഷിന് പരുക്ക് പറ്റിയതും ഇന്ത്യയ്ക്ക് തിരിച്ചടിയായി.
മത്സരത്തിന്റെ ആദ്യ കോർട്ടറിൽ രണ്ടു ടീമിനും ഗോൾ ഒന്നും നേടാൻ സാധിച്ചിരുന്നില്ല. രണ്ടാം ക്വാർട്ടറിൽ ഇന്ത്യ ലീഡ് എടുത്തു. മൂന്നാം ക്വാർട്ടറിൽ ഇന്ത്യ മൂന്നാം ഗോളും നേടിയിരുന്നു. എന്നാൽ അവസാന കോർട്ടറിൽ ന്യൂസിലാൻഡ് സമനില പിടിക്കുകയായിരുന്നു. തുടർന്നാണ് പെനാൽറ്റി ഷൂട്ടൗട്ടിലേക്ക് നീണ്ടത്. പെനാൽറ്റി ഷൂട്ടൗട്ടിൽ ആദ്യ രണ്ട് ശ്രമങ്ങൾ ഇരു ടീമുകളും ഗോളാക്കി മാറ്റി. എന്നാൽ മൂന്നാമത്തെ ശ്രമത്തിൽ ഇന്ത്യയ്ക്ക് പിഴച്ചു. ഇതോടെ ഇന്ത്യ2-3 പിന്നിലായി. നാലാം ശ്രമത്തിൽ രണ്ട് ടീമുകാർക്കും ലക്ഷ്യത്തിലെത്താൻ സാധിച്ചില്ല. അവസാന ശ്രമത്തിൽ 4-4 എത്തിയെങ്കിലും ന്യൂസിലാൻഡ് പെനാൽറ്റി കോർണറിലൂടെ ക്വാർട്ടർ ഉറപ്പിക്കുകയായിരുന്നു.