ബ്രിസ്ബേനില് നടന്ന നിര്ണായക മത്സരത്തില് ന്യൂസിലന്ഡിനെതിരെ ഇംഗ്ലണ്ടിന് 20 റണ്സ് വിജയം.
ടോസ് നേടി ആദ്യം ബാറ്റ് ചെയ്ത ഇംഗ്ലണ്ട് 20 ഓവറില് ആറ് വിക്കറ്റ് നഷ്ടത്തില് 179 റണ്സാണ് നേടി. മറുപടി ബാറ്റിംഗില് ന്യൂസിലന്ഡിന് 20 ഓവറില് ആറ് വിക്കറ്റ് നഷ്ടത്തില് 159 റണ്സെടുക്കാനെ കഴിഞ്ഞുള്ളു. 62 റണ്സ് നേടിയ ഗ്ലെന് ഫിലിപ്സ് ഒഴികെ മറ്റാര്ക്കും തിളങ്ങാന് സാധിച്ചില്ല.
ജയത്തോടെ ഇംഗ്ലണ്ട്, ന്യൂസിലന്ഡ്, ഓസ്ട്രേലിയ ടീമുകള്ക്ക് അഞ്ച് പോയിന്റ് ലഭിച്ചു. ഇംഗ്ലണ്ടിന് വേണ്ടി ക്യാപ്റ്റൻ ജോസ് ബട്ലര് (73), അലക്സ് ഹെയ്ല്സ് (52) എന്നിവർ തിളങ്ങി.റണ്റേറ്റില് കിവീസാണ് ഒന്നാമത്. ഇംഗ്ലണ്ട് രണ്ടാമതും ഓസ്ട്രേലിയ മൂന്നാമതുമാണ്. മൂവര്ക്കും അവസാന മത്സരം നിര്ണായകമാണ്.