പോലീസ് ജീപ്പിടിച്ചു രണ്ടു യുവാക്കൾ മരിച്ചു, മരിച്ചത് കോട്ടയം സ്വദേശികൾ

ആലപ്പുഴ: തലവടിയിൽ പോലീസ് ജീപ്പിടിച്ച് രണ്ട് യുവാക്കൾ മരിച്ചു. കോട്ടയം സ്വദേശി ജസ്റ്റിൻ, കുമരകം സ്വദേശി അലക്സ് എന്നിവരാണ് അപകടത്തിൽ മരിച്ചത്. ഇന്ന് പുലർച്ചെ 3 30നാണ് അപകടം നടന്നത്. ആലപ്പുഴ ഡി സി ആർ ബി ഡിവൈഎസ്പിയുടെ ജീപ്പാണ് ഇടിച്ചത്.

ആലപ്പുഴ ബീച്ചിലെ പുതുവർഷ ആഘോഷങ്ങളിൽ പങ്കെടുത്തശേഷം യുവാക്കൾ തിരികെ കോട്ടയത്തേക്ക് മടങ്ങുമ്പോഴാണ് അപകടം നടന്നത്. ബൈക്കിനെ ഇടിച്ച ജീപ്പ് വഴിയരുകിലെ മതിലും തകർത്താണ് നിന്നത് എന്നാണ് കിട്ടിയ വിവരം. അപകട സമയത്ത് ഡ്രൈവർ മാത്രമാണ് ജീപ്പിൽ ഉണ്ടായിരുന്നതെന്ന് പോലീസ് പറഞ്ഞു. ഡ്രൈവർ ഉറങ്ങിപ്പോയതാകാം അപകടത്തിന് കാരണമെന്നാണ് പ്രാഥമിക നിഗമനം. അപകടത്തിൽ പോലീസ് അന്വേഷണം ആരംഭിച്ചു