തിരുവനന്തപുരം: പാറശ്ശാല ഷാരോൺ കൊലക്കേസിൽ പലതവണ ജ്യൂസിൽ വിഷം കലക്കി കൊല്ലാൻ ശ്രമിച്ചതായി ഗ്രീഷ്മ ചോദ്യം ചെയ്യലിനിടെ സമ്മതിച്ചു. ജ്യൂസ് ചലഞ്ചും ഷാരോണിനെ കൊല്ലാൻ ആസൂത്രണം ചെയ്തതെന്ന് ഗ്രീഷ്മ ചോദ്യം ചെയ്യലിൽ പറഞ്ഞു. ഗ്രീഷ്മയുമായി അന്വേഷണ സംഘം ഗ്രീഷ്മയുടെ വീട്ടിൽ തെളിവെടുപ്പിനായി എത്തും.
അതിനിടെ ഗ്രീഷ്മയെയും അമ്മയെയും അമ്മാവനെയും നേരിട്ട് എത്തിച്ച് തെളിവെടുക്കാനിരിക്കെ ഗ്രീഷ്മയുടെ വീടിന്റെ സീല് ചെയ്ത വാതില് തകര്ത്ത് അജ്ഞാതന് അകത്ത് കയറി. കൃത്യം നടന്ന സ്ഥലമായത് കൊണ്ട് തന്നെ സീല് ചെയ്ത് സൂക്ഷിച്ചിരിക്കുകയായിരുന്നു. സീലും പൂട്ടും തകര്ത്താണ് അജ്ഞാതന് അകത്ത് കയറിയത്. ഇതിന് പിന്നാലെ അന്വേഷണ ഉദ്യോഗസ്ഥന്റെ നേതൃത്വത്തിലുള്ള ജില്ലാ ക്രൈംബ്രാഞ്ച് ഉദ്യോഗസ്ഥര് വീട്ടിലെത്തി പരിശോധന നടത്തി. സംഭവത്തില് തമിഴ്നാട് പൊലീസ് കേസെടുത്ത് അന്വേഷണം തുടങ്ങി