നടുറോഡില് മേയർ ആര്യ രാജേന്ദ്രനോട് തര്ക്കിച്ച കെഎസ്ആര്ടിസി ഡ്രൈവറെ ജോലിയില് നിന്ന് മാറ്റി നിര്ത്തി. തിങ്കളാഴ്ച ജോലിയില് പ്രവേശിക്കേണ്ടെന്ന നിര്ദേശം ഡ്രൈവര് യദുവിന് ലഭിച്ചു. ഡിടിഒ യുടെ മുന്നില് ഹാജരാകണമെന്നും അറിയിച്ചിട്ടുണ്ട്.
ശനിയാഴ്ച രാത്രി 9.45ന് തിരുവനന്തപുരം പാളയത്ത് വച്ചായിരുന്നു മേയര് ആര്യ രാജേന്ദ്രനും കെഎസ്ആര്ടി.സി ഡ്രൈവറും തമ്മില് വാക്കുതർക്കമുണ്ടായത്. മേയർക്കൊപ്പം ഭർത്താവ് സച്ചിൻ ദേവ് എംഎൽഎയും വാഹനത്തിലുണ്ടായിരുന്നു.
എന്നാൽ ഡ്രൈവര്ക്കെതിരെ ഉടന് അച്ചടക്ക നടപടിയെടുക്കേണ്ടതില്ലെന്ന നിലപാടിലാണ് ഗതാഗത മന്ത്രി. വിഷയത്തില് പൊലീസിന്റെ റിപ്പോര്ട്ട് കിട്ടിയതിന് ശേഷം മാത്രമേ നടപടിയുണ്ടാകൂ. ഡ്രൈവറില് നിന്ന് വിശദമായ മൊഴിയെടുക്കുന്നതിന് വേണ്ടിയാണ് ഡിടിഒയെ കാണാന് നിര്ദ്ദേശിച്ചതെന്നാണ് വിവരം.