നടന് കസാന് ഖാന് അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം. പ്രൊഡക്ഷന് കണ്ട്രോളറും നിര്മാതാവുമായ എന് എം ബാദുഷയാണ് മരണ വിവരം പുറത്തുവിട്ടത്. ഒരു കാലത്ത് മലയാള സിനിമയില് പ്രതിനായക വേഷങ്ങളില് തിളങ്ങിയ നടനായിരുന്നു കസാന് ഖാന്. മലയാളം, തമിഴ്, കന്നഡ സിനിമകളിലെ സജീവ സാന്നിധ്യമായിരുന്നു. അമ്പതിലധികം ചിത്രങ്ങളിൽ വേഷമിട്ടിട്ടുണ്ട്. മലയാള സിനിമയിൽ ചെയ്ത ഒട്ടുമിക്കവയും വില്ലൻ വേഷങ്ങളായിരുന്നു. കന്നട ഭാഷയിൽ രണ്ടു സിനിമകൾ ചെയ്തിട്ടുണ്ട്.
1992-ല് പുറത്തിറങ്ങിയ സെന്തമിഴ് പാട്ട് എന്ന തമിഴ് ചിത്രത്തിലൂടെയാണ് കസാന് ഖാന് അഭിനയരംഗത്ത് ചുവടുവെച്ചത്. മലയാളത്തില് 12 സിനിമകളിലും തമിഴില് മുപ്പത്തിലേറെ സിനിമകളിലും അഭിനയിച്ച താരം ആര്ട്ട് ഓഫ് ഫൈറ്റിംഗ് 2 എന്ന ഇംഗ്ലീഷ് സിനിമയിലും വേഷമിട്ടു. ഗാന്ധര്വ്വം, സിഐഡി മൂസ, ദി കിംഗ്, വര്ണപ്പകിട്ട്, ഡ്രീംസ്, ദി ഡോണ്, മായാമോഹിനി, രാജാധിരാജ, ഇവന് മര്യാദരാമന്, ഓ ലൈല ഓ തുടങ്ങിയ മലയാള ചിത്രങ്ങളില് വേഷമിട്ടിട്ടുണ്ട്.