പി വി അൻവർ എംഎൽഎയെ ക്വാറി കേസിൽ ഇ ഡി മൂന്നാമതും ചോദ്യം ചെയ്തു

കൊച്ചി: ക്വാറി ഇടപെടൽ കേസുമായി ബന്ധപ്പെട്ട് എംഎൽഎ പി വി അൻവറിനെ ഇ ഡി മൂന്നാമതും വിളിച്ച് വരുത്തി ചോദ്യം ചെയ്തു. കർണാടക ക്വാറി ഇടപാട് കേസുമായി ബന്ധപ്പെട്ടാണ് ചോദ്യം ചെയ്തത്. മലപ്പുറത്ത് പി വി അൻവർ ഭൂമി വാങ്ങിയതും, വിദേശത്ത് നടത്തിയ കള്ളപ്പണ ബിസിനസുമടക്കം അൻവറിന്റെ 10 വർഷത്തെ സാമ്പത്തിക സ്രോതസിനെ കുറിച്ചാണ് ഇ ഡി അന്വേഷണം നടത്തുന്നത് എന്നാണ് പുറത്തുവരുന്ന റിപ്പോർട്ടുകൾ. വ്യവസായിയും മലപ്പുറം സ്വദേശിയുമായ സലിം തന്റെ കയ്യിൽ നിന്നും പി വി അൻവർ എംഎൽഎ ക്വാറിയിൽ ഷെയർ വാഗ്ദാനം ചെയ്ത് 50 ലക്ഷം രൂപ വാങ്ങിയിരുന്നു എന്ന് ഇ ഡി യ്ക്ക് മൊഴി നൽകിയിരുന്നു, ഇതിനെ തുടർന്നാണ് ഇ ഡി യുടെ ചോദ്യം ചെയ്യൽ