തെന്നിന്ത്യൻ സിനിമയിലെ ശ്രദ്ധേയ മുഖമാണ് നടി ഗീത ചിങ്ങമാസ പുലരിയിൽ ശബരിമലയിൽ എത്തി അയ്യപ്പനെ തൊഴുതു. തന്ത്രി മഹേഷ് മോഹനര്, മേൽശാന്തി എസ് ജയരാമൻ പോറ്റി എന്നിവരെ സന്ദർശിച്ച് പ്രസാദം സ്വീകരിച്ചു. ദേവസ്വം ബോർഡ് പ്രസിഡന്റ് കെ അനന്തഗോപനെയും കണ്ട ശേഷമാണ് കുടുംബാംഗങ്ങളോടൊപ്പം സന്നിധാനത്ത് നിന്നും മടങ്ങിയത്
ഒരു വടക്കൻ വീരഗാഥ, വൈശാലി, ലാൽ സലാം, അഭിമന്യു, പഞ്ചാഗ്നി, വാത്സല്യം, സുഖമോ ദേവി, ആധാരം, ആവനാഴി, അയ്യർ ദി ഗ്രേറ്റ് തുടങ്ങി നിരവധി ഹിറ്റ് ചിത്രങ്ങളുടെ ഭാഗമായ താരമാണ് ഗീത. തമിഴ്, തെലുങ്ക്, മലയാളം ഭാഷകൾ കൂടാതെ ഹിന്ദിയിലും ഗീത അഭിനയിച്ചിട്ടുണ്ട്.
ചിങ്ങമാസ പുലരിയിൽ പുലർച്ചെ 5 മണിക്ക് ക്ഷേത്രതന്ത്രി കണ്ഠരര് മഹേഷ് മോഹനരുടെ മുഖ്യകാർമ്മികത്വത്തിൽ ക്ഷേത്ര മേൽശാന്തി കെ. ജയരാമൻ നമ്പൂതിരി ക്ഷേത്ര ശ്രീകോവിൽ നട തുറന്ന് ദീപങ്ങൾ തെളിച്ചു. തുടർന്ന് നിർമ്മാല്യവും പതിവ് അഭിഷേകവും നെയ്യഭിഷേകവും നടന്നു. ചിങ്ങം ഒന്നിന് ലക്ഷാർച്ചനയും കളഭാഭിഷേകവും ഉണ്ടായിരുന്നു. അയ്യപ്പനെ തൊഴാനായി ആയിരങ്ങളാണ് സന്നിധാനത്ത് എത്തിയത്.