ഹിമാചൽ പ്രദേശിൽ ഔദ്യോഗിക ആവശ്യത്തിനായി പോയിരുന്ന കേന്ദ്രമന്ത്രി അനുരാഗ് സിംഗ് താക്കൂർ സമരം നടത്തുന്ന ഗുസ്തി താരങ്ങളുമായി 4 മണിക്കൂറോളം നീണ്ട കൂടിക്കാഴ്ച നടത്തി. ഡൽഹിയിലെ അദ്ദേഹത്തിന്റെ വസതിയിൽ വച്ചാണ് കൂടിക്കാഴ്ച നടന്നത്. ഡബ്ല്യുഎഫ്ഐ പ്രസിഡന്റ് ബ്രിജ് ഭൂഷണെതിരെ നടപടി ആവശ്യപ്പെട്ട ഇവർ, 66കാരനായ ബിജെപി എംപി വനിതാ താരങ്ങളെ ലൈംഗികമായി ഉപദ്രവിക്കുകയും, ഭീഷണിപ്പെടുത്തുകയും ചെയ്തുവെന്ന് ആരോപിച്ചിരുന്നു.
അതെസമയം ഇന്ത്യൻ റെസ്ലിംഗ് അസോസിയേഷൻ പ്രസിഡന്റും, ബിജെപി എംപിയുമായ ബ്രിജ് ഭൂഷൺ ശരൺ സിംഗ് ആരോപണങ്ങൾ നിഷേധിച്ചിരുന്നു. എന്നാൽ ഭൂഷൺ സിംഗിനോട് 24 മണിക്കൂറിനുള്ളിൽ സ്ഥാനമൊഴിയണമെന്ന് കായിക മന്ത്രാലയം ആവശ്യപ്പെട്ടതായി അടുത്ത വൃത്തങ്ങൾ അറിയിച്ചു. ജനുവരി 22ന് നടക്കുന്ന എമർജന്റ് ജനറൽ കൗൺസിൽ യോഗത്തിൽ ഡബ്ല്യുഎഫ്ഐ പ്രസിഡന്റ് രാജി സന്നദ്ധത അറിയിച്ചേക്കുമെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.