മദ്രാസ് ഐഐടിയിൽ വിദ്യാർത്ഥിയെ ആത്മഹത്യ ചെയ്ത നിലയിൽ കണ്ടെത്തി. മാസ്റ്റേഴ്സ് ഓഫ് സയൻസ് രണ്ടാംവർഷ വിദ്യാർഥിയായ സ്റ്റീഫൻ സണ്ണി (24 ) ആണ് ആത്മഹത്യ ചെയ്തത്. മുറിയിൽ തൂങ്ങിമരിച്ച നിലയിലാണ് മൃതദേഹം കണ്ടെത്തിയത്. ഇന്നലെ രാത്രിയോടെ ആയിരുന്നു സംഭവം. ആത്മഹത്യ ചെയ്ത വിദ്യാർത്ഥി സ്റ്റീഫൻ സണ്ണി മഹാരാഷ്ട്ര സ്വദേശിയാണ്.
മരണമടഞ്ഞ സ്റ്റീഫൻ സണ്ണിയുടെ ആത്മഹത്യാ കുറിപ്പ് പോലീസ് കണ്ടെടുത്തിട്ടുണ്ട്. സണ്ണിയുടെ സുഹൃത്തുക്കളാണ് വിവരം ആദ്യം അറിയുന്നത്. മൃതദേഹം ഏറ്റുവാങ്ങാൻ സണ്ണിയുടെ മാതാപിതാക്കൾ ചെന്നൈയിലെത്തി.
ഐഐടി അഡ്മിനിസ്ട്രേഷൻ അധികൃതരുടെ നടപടിയിൽ പ്രതിഷേധിച്ച് വിദ്യാർത്ഥികൾ ഇന്നലെ രാത്രി മെഴുകുതിരി കത്തിച്ച് പ്രതിഷേധിച്ചിരുന്നു. അധികൃതരുടെ ഭാഗത്തുനിന്നുണ്ടായ വീഴ്ച മൂലമാണ് ആത്മഹത്യ നടന്നതെന്ന് വിദ്യാർത്ഥികൾ ആരോപിച്ചു. അതേസമയം വിഷാദം കാരണമാണ് സ്റ്റീഫൻ സണ്ണി ആത്മഹത്യ ചെയ്തതെന്നാണ് കോട്ടൂർ പുരം പോലീസിന്റെ വിശദീകരണം.