ചെന്നൈ : തമിഴ്‌നാട്ടില്‍ ഓണ്‍ലൈന്‍ ചൂതാട്ടഗെയിമുകൾക്കുള്ള നിരോധനം പ്രാബല്യത്തില്‍ വന്നു. ഇനി ഓണ്‍ലൈന്‍ റമ്മിയടക്കം ചൂതാട്ട സ്വഭാവമുള്ള എല്ലാ ഓണ്‍ലൈന്‍ ഗെയിമുകള്‍ക്കും തമിഴ്‌നാട്ടില്‍ ഉപയോഗിക്കാന്‍ സാധിക്കില്ല. സംസ്ഥാനത്തെ നിരവധി യുവാക്കള്‍ ഓണ്‍ലൈന്‍ ചൂതാട്ടത്തില്‍പ്പെട്ട് ജീവനൊടുക്കിയ സാഹചര്യത്തിലാണ് സംസ്ഥാന സര്‍ക്കാര്‍ നിരോധനം ഏര്‍പ്പെടുത്താന്‍ തീരുമാനിക്കുകയും നിയമസഭ ചേര്‍ന്ന് ഇതിന് അംഗീകാരം നല്‍കുകയുമായിരുന്നു. കഴിഞ്ഞ 19നാണ് നിയമസഭ പാസാക്കിയ ബില്ലില്‍ ഗവര്‍ണര്‍ ആര്‍.എന്‍. രവി ഒപ്പുവച്ചത്. മന്ത്രിസഭ പാസാക്കിയ ഓണ്‍ലൈന്‍ ചൂതാട്ട നിരോധന ഓര്‍ഡിനന്‍സിന് പകരമാണ് പുതിയ നിയമം. ചൂതാട്ട പരസ്യവും പാടില്ല, ഗെയിമിങ് ആപ്പുകളിലേക്ക് പണംകൈമാറരുതെന്നും നിര്‍ദ്ദേശം ഉണ്ട്. ചൂതാട്ടം നടത്തുന്നവര്‍ക്കും കളിക്കുന്നവര്‍ക്കും മൂന്ന് വര്‍ഷം വരെ തടവുശിക്ഷ ലഭിക്കും. കൂടാതെ ഓണ്‍ലൈന്‍ ചൂതാട്ടങ്ങളുമായി ബന്ധപ്പെട്ട പരസ്യവും പ്രചാരണവും നിയമവിരുദ്ധമാകും.
തമിഴ്‌നാട്ടില്‍ ഓണ്‍ലൈന്‍ ചൂതാട്ടഗെയിമുകള്‍ നിരോധിച്ചു, പരസ്യവും പാടില്ല
നിരവധി യുവാക്കള്‍ ഓണ്‍ലൈന്‍ ചൂതാട്ടത്തില്‍പ്പെട്ട് ജീവനൊടുക്കിയ സാഹചര്യത്തിലാണ് സംസ്ഥാന സര്‍ക്കാര്‍ നിരോധനം ഏര്‍പ്പെടുത്തിയത്
