ഉത്തർപ്രദേശ് : ഉത്തർപ്രദേശിലെ ലളിത്പൂരിലെ പാലി പ്രദേശത്തെ ഒരു മൊബൈൽ റിപ്പയർ ഷോപ്പിൽ ആണ് കേടായ മൊബൈൽ ഫോൺ പൊട്ടിത്തെറിച്ചത്. ചാർജ്ജുചെയ്യുന്നതിലെ തകരാർ കാരണം നന്നാക്കാനായി കൊണ്ടുവന്ന ഫോൺ ശരിയാക്കുന്നതിനിടെ പൊട്ടിത്തെറിക്കുകയായിരുന്നു. കടയുടമ ബാറ്ററി ഊരിമാറ്റി നിമിഷങ്ങൾക്കകം മൊബൈൽ ഫോൺ കത്തിനശിച്ചു. കടയുടമയും ഉപഭോക്താവും അപകടത്തിൽ നിന്ന് അത്ഭുതകരമായി രക്ഷപ്പെട്ടു.
സംഭവത്തിൽ ആർക്കും പരിക്കുകളൊന്നും സംഭവിച്ചിട്ടില്ല. കഴിഞ്ഞ ആഴ്ചയാണ് സംഭവം. സ്മാർട് ഫോണുകളും മറ്റു ഇലക്ട്രോണിക് ഉപകരണങ്ങളുടെ ബാറ്ററികളും ചാർജ് ചെയ്യുമ്പോൾ സുരക്ഷിതമായ അകലം പാലിക്കണമെന്നാണ് വിദഗ്ധർ നിർദേശിക്കുന്നത്. ഭദോഹി വല്ല എന്ന ട്വിറ്റർ ഉപയോക്താവാണ് ഇതിന്റെ വിഡിയോ സോഷ്യൽ മീഡിയയിൽ പങ്കുവെച്ചത്.