മധ്യപ്രദേശ് മുൻ മുഖ്യമന്ത്രി കൈലാഷ് ജോഷിയുടെ മകൻ ദീപക് ജോഷി തിങ്കളാഴ്ച ഭാരതീയ ജനതാ പാർട്ടിയിൽ ചേരാൻ ഒരുങ്ങുന്നതായി റിപ്പോർട്ടുകൾ. മുൻ കേന്ദ്രമന്ത്രിയും കോൺഗ്രസ് നേതാവുമായ സുരേഷ് പച്ചൗരിയും മുൻ എംപി ഗജേന്ദ്ര സിംഗ് രാജുഖേദിയും ശനിയാഴ്ച ബിജെപിയിൽ ചേർന്നതിന് പിന്നാലെയാണ് നിന്ന് മധ്യപ്രദേശിൽ മറ്റൊരു നേതാവുകൂടി കളം മാറുന്നത്. കഴിഞ്ഞ വർഷം മധ്യപ്രദേശിലെ നിയമസഭാ തിരഞ്ഞെടുപ്പിന് മുമ്പ് ജോഷി കോൺഗ്രസിൽ ചേർന്നിരുന്നു. .
ദേവാസ് ജില്ലയിലെ ഹത്പിപ്ല്യ സീറ്റിൽ നിന്നാണ് അദ്ദേഹം ടിക്കറ്റ് തേടിയത്. എന്നാൽ കോൺഗ്രസിൽ നിന്ന് ബിജെപിയിലേക്ക് കൂറുമാറിയ മനോജ് ചൗധരിയെ ബിജെപി സ്ഥാനാർത്ഥിയായി പ്രഖ്യാപിച്ചത് ജോഷിയുടെ അതൃപ്തിയ്ക്കും പാർട്ടി വിടുന്നതിനും കാരണമായി. ഖത്തേഗാവിൽ നിന്ന് കോൺഗ്രസ് ടിക്കറ്റ് വാഗ്ദാനം ചെയ്തിരുന്നെങ്കിലും അദ്ദേഹം തിരഞ്ഞെടുപ്പിൽ പരാജയപ്പെട്ടു. 2003ൽ ദേവാസ് ജില്ലയിലെ ബാഗ്ലിയിൽ നിന്ന് ആദ്യമായി മധ്യപ്രദേശ് നിയമസഭയിൽ എത്തിയ ജോഷി, പിന്നീട് അതേ ജില്ലയിലെ ഹത്പിപ്ല്യ സീറ്റിൽ നിന്ന് രണ്ട് തവണ മത്സരിച്ചു. തന്റെ മൂന്നാമത്തെ തിരഞ്ഞെടുപ്പ് വിജയത്തിന് ശേഷം, ജോഷി മുഖ്യമന്ത്രി ശിവരാജ് സിംഗ് ചൗഹാൻ്റെ മന്ത്രിസഭയിൽ ചേരുകയും 2018 വരെ അതിൽ അംഗമായി തുടരുകയും ചെയ്തു. 2018 ലെ നിയമസഭാ തിരഞ്ഞെടുപ്പിൽ ഹത്പിപ്ല്യയിൽ നിന്ന് കോൺഗ്രസ് സ്ഥാനാർത്ഥി മനോജ് ചൗധരിയോട് പരാജയപ്പെട്ടു.