ഇന്ത്യയുടെ മിസൈൽ പരീക്ഷണത്തിന് മുന്നോടിയായി ചാരപ്പണി നടത്താൻ ചൈന കപ്പൽ അയച്ചെന്ന റിപ്പോർട്ടുകൾക്ക് പിന്നാലെ മിസൈല് പരീക്ഷണത്തില് നിന്ന് പിന്മാറില്ലെന്ന് ഇന്ത്യയും വ്യക്തമാക്കി. നവംബര് 10, 11 തിയതികളില് ഒഡിഷയിലെ അബ്ദുല് കലാം ദ്വീപില് (വീലര് ദ്വീപ്) ആണ് പരീക്ഷണം നടക്കുക. 2,200 കിലോമീറ്റര് പരിധിയുള്ള മിസൈല് അടക്കം ഇന്ത്യ പരീക്ഷിക്കും. ഈ ദ്വീപിൽനിന്ന് ഇന്ത്യ ഇടയ്ക്കിടെ ബാലിസ്റ്റിക് മിസൈലുകൾ പരീക്ഷിക്കാറുണ്ട്. ഇതിനു മുന്നോടിയായാണ് ചൈനീസ് കപ്പൽ എത്തിയതെന്നാണ് നിഗമനം. മിസൈല് നിരീക്ഷിക്കാനാണോ കപ്പൽ അയച്ചതെന്നും ആശങ്കയുണ്ട്.
മിസൈല് പരീക്ഷണങ്ങള് നിരീക്ഷിക്കാന് കഴിയുന്ന യുവാന് വാങ്- 6 എന്ന കപ്പലാണ് ഇന്ത്യന് മഹാസമുദ്രത്തിലേക്ക് ചൈന അയച്ചത്. യുവാന് വാങ് നിലവില് ബാലിക്ക് സമീപമുണ്ടെന്ന് മറൈന് ട്രാഫിക് സ്ഥിതീകരിച്ചിട്ടുണ്ട്. ചൈനീസ് ചാരക്കപ്പലിനെ ഇന്ത്യന് നേവി സൂക്ഷ്മമായി നിരീക്ഷിച്ചുവരികയാണെന്നാണ് റിപ്പോര്ട്ടുകള്. ഇന്ത്യയുടെ മിസൈല് പരീക്ഷണങ്ങള് സംബന്ധിച്ച സുപ്രധാന വിവരങ്ങളായ പാത, വേഗത, ദൂരം, കൃത്യത മുതലായവ ചാരക്കപ്പല് വഴി ചൈന മനസിലാക്കുമെന്ന ആശങ്കയാണ് നിലനിന്നിരുന്നത്. എന്നാല് ഈ ഭീഷണിയെ ഇപ്പോള് നേരിടാന് ഉറപ്പിച്ചിരിക്കുകയാണ് ഇന്ത്യ