അസമിലെ നൽബാരിയിൽ സെൻഗ്നോയ് ഗ്രാമത്തിന് സമീപത്തുള്ള വനമേഖലയിൽ നിന്നും കുഴിച്ചിട്ട നിലയിൽ കണ്ടെത്തിയ വൻ ആയുധ ശേഖരവും തോക്കുകളും പിടിച്ചെടുത്തു. സെൻട്രൽ റിസർവ് പോലീസ് ഫോഴ്സും അസം പോലീസും ചേർന്ന് നടത്തിയ ഓപ്പറേഷനിലാണ് ആയുധശേഖരം ഒളിപ്പിച്ച നിലയിൽ കണ്ടെത്തിയത്. പോലീസിന് കിട്ടിയ രഹസ്യവിവരത്തിന്റെ അടിസ്ഥാനത്തിൽ നടത്തിയ തിരച്ചിലാണ് ആയുധങ്ങൾ കണ്ടെടുത്തത്.
നാല് പിസ്റ്റളുകൾ, രണ്ട് എയർ പിസ്റ്റളുകൾ, 7 തരംതിരിച്ച മാഗസിനുകൾ, 107 റൗണ്ടുകൾ, 79 എ കെ 47, 5 ഡിറ്റണേറ്ററുകൾ, നാടൻ വെടിമരുന്ന്, സ്ഫോടകവസ്തു ആണെന്ന് സംശയിക്കുന്ന 600ഗ്രാം അജ്ഞാത വസ്തു എന്നിവയാണ് കണ്ടെത്തിയത്. കൂടുതൽ ആയുധങ്ങൾ തീവ്രവാദികൾ കുഴിച്ചിട്ടിട്ടുള്ളതായി വിവരം ലഭിച്ചിട്ടുണ്ടെന്ന് പോലീസ് പറഞ്ഞു.