മെല്ബണ്: ടി20 ലോകകപ്പ് ടൂര്ണമെന്റിന്റെ തുടക്കത്തില് തന്നെ പറഞ്ഞതുപോലെ ഇന്ത്യ-ഓസ്ട്രേലിയ ഫൈനലിനാണ് സാധ്യതതയെന്ന് റിക്കി പോണ്ടിംഗ് ഐസിസി പ്രതിമാസ വിശകലനത്തില് വ്യക്തമാക്കി.
ടി20 ലോകകപ്പിലെ സൂപ്പര് 12 പോരാട്ടങ്ങള് അവസാന റൗണ്ടിലേക്ക് കടന്നപ്പോള് സെമി ഉറപ്പിക്കാനുള്ള പോരാട്ടത്തിലാണ് ടീമുകള്.ഗ്രൂപ്പ് രണ്ടില് നിന്ന് ഇന്ത്യക്ക് സെമിയിലെത്തണമെങ്കിലും സിംബാബ്വെയുമായുള്ള അവസാന മത്സരം നിർണ്ണയകമാണ്. ഞായറാഴ്ചയാണ് ഇന്ത്യ-സിംബാബ്വെ പോരാട്ടം. ഗ്രൂപ്പ് ഒന്നില് ന്യൂസിലന്ഡ് അയര്ലന്ഡിനെതിരായ ഇന്നത്തെ ജയത്തോടെ സെമി ഉറപ്പിച്ചുവെന്ന് പറയാമെങ്കിലും ഓസ്ട്രേലിയക്കും ഇംഗ്ലണ്ടിനും ഇപ്പോഴും സാധ്യതകളുണ്ട്. ദക്ഷിണാഫ്രിക്കന് ടീം അപകടകാരികളാണെങ്കിലും ഫൈനലിലെത്താന് സാധ്യതയില്ലെന്നാണ് മുന് ഓസീസ് നായകന് റിക്കി പോണ്ടിംഗിന്റെ പ്രവചനം. ദക്ഷിണാഫ്രിക്കയുടെ അപരാജിത റെക്കോര്ഡ് ഇന്നലെ പാക്കിസ്ഥാന് തകര്ത്തിരുന്നു.
ഇന്ത്യ-ഓസ്ട്രേലിയ ഫൈനലിനാണ് സാധ്യതയെന്ന് റിക്കി പോണ്ടിംഗ്
