കേന്ദ്ര ആഭ്യന്തര മന്ത്രി അമിത് ഷായുടെ സന്ദർശനത്തിന് മുന്നോടിയായി ഗുവാഹത്തിയിൽ സിആർപിസി സെക്ഷൻ 144 പ്രകാരം നിരോധനാജ്ഞ ഏർപ്പെടുത്തി. നാഷണൽ ഫോറൻസിക് സയൻസ് യൂണിവേഴ്സിറ്റിയുടെ തറക്കല്ലിടൽ അമിത്ഷാ നടത്തും. നിയമന കത്തുകളുടെ വിതരണവും ആഭ്യന്തര മന്ത്രിയുടെ സന്ദർശന വേളയിൽ നടത്തുമെന്ന് മുഖ്യമന്ത്രിയുടെ ഓഫീസ് ട്വീറ്റ് ചെയ്തു. വിവിധ സർക്കാർ ജോലികളിലേക്കുള്ള ഏകദേശം 45,000 ഉദ്യോഗാർത്ഥികൾക്കുള്ള നിയമന കത്തുകളുടെ വിതരണത്തിൽ അമിത് ഷാ പങ്കെടുക്കുമെന്ന് ക്യാബിനറ്റ് യോഗത്തിന് ശേഷം വിദ്യാഭ്യാസ മന്ത്രി റനോജ് പെഗു പറഞ്ഞു.
ഞായറാഴ്ച മുതൽ ആണ് നിരോധനാജ്ഞ നിലവിൽ വന്നത്. ഗ്രൂപ്പുകളോ വ്യക്തികളോ നഗരത്തിൽ പ്രക്ഷോഭമോ പ്രകടനമോ നടത്തുകയോ സമാധാനം ലംഘിക്കുകയോ ചെയ്തേക്കാമെന്നും അതിനാൽ പൊതുജനങ്ങളുടെ സമാധാനപരമായ സഞ്ചാരം, ഗതാഗതം, പ്രദേശവാസികളുടെ സാധാരണ പ്രവർത്തനങ്ങൾ, ഓഫീസുകളുടെ പ്രവർത്തനം എന്നിവ ഉറപ്പാക്കാൻ പ്രതിരോധ നടപടികൾ സ്വീകരിക്കേണ്ടത് ആവശ്യമാനിന്നുമാണ് പോലീസ് കമ്മീഷണർ ദിഗന്ത ബാരയുടെ ഉത്തരവിൽ പറയുന്നത്.