അയോദ്ധ്യ രാമക്ഷേത്രത്തിന് വെള്ളിയിൽ തീർത്ത ചൂൽ സമ്മാനിച്ച് ഭക്തർ. അഖില ഭാരതീയ മംഗ് സമാജിലെ ഭക്തരാണ് 1.75 കിലോഗ്രാം വെള്ളിചൂൽ സമ്മാനമായി നൽകിയത്. നിരവധി ഭക്തരാണ് ക്ഷേത്ര ക്ഷേത്ര ട്രസ്റ്റിലേക്ക് സമ്മാനങ്ങളും സംഭാവനകളും നൽകുന്നത്.
ജനുവരി 22 ന് ക്ഷേത്രം തുറന്നത് മുതൽ ഏകദേശം 19 ലക്ഷം ഭക്തർ അയോദ്ധ്യയിലെ രാമക്ഷേത്രം സന്ദർശിച്ചത്. ജനുവരി 23 ന് പ്രാൺ പ്രതിഷ്ഠ ചടങ്ങിനെത്തുടർന്ന് പൊതുജനങ്ങൾക്കായി തുറന്ന ക്ഷേത്രത്തിൽ ആദ്യദിവസം തന്നെ എത്തിയത് 5 ലക്ഷത്തിലധികം സന്ദർശകരാണ്. ഇപ്പോൾ പ്രതിദിന സന്ദർശനങ്ങൾ 2 ലക്ഷത്തിലധികം വരുന്നുണ്ടെന്നും ക്ഷേത്ര ഭാരവാഹികൾ പറയുന്നു. അയോദ്ധ്യ രാമക്ഷേത്രത്തിലേക്ക് തീർത്ഥാടകരുടെ ഒഴുക്ക് തുടരുകയാണ്.