യുഎഇയിലെ സ്വകാര്യ മേഖലയിലെ ജീവനക്കാർക്ക് ഈ വർഷത്തെ ദേശീയ ദിനാഘോഷങ്ങൾക്ക് (ഈദ് അൽ ഇത്തിഹാദ്) 4 ദിവസത്തെ അവധി ലഭിക്കും. ഡിസംബർ 2, 3, തിങ്കൾ, ചൊവ്വ ദിവസങ്ങളിൽ ഹ്യൂമൻ റിസോഴ്സസ് & എമിറേറ്റൈസേഷൻ മന്ത്രാലയം അവധി പ്രഖ്യാപിച്ചു. വാരാന്ത്യഅവധികൾ കൂടിചേർത്താണ് 4 ദിവസം അവധി ലഭിക്കുക. ഈ വർഷത്തിലെ അവസാനത്തെ പൊതു അവധികൂടിയാണ് ഇത്.
നേരത്തെ സർക്കാർ ജീവനക്കാർക്കും 4 ദിവസത്തെ അവധി പ്രഖ്യാപിച്ചിരുന്നു. വാരാന്ത്യഅവധികൾ കൂടിചേർത്താണ് 4 ദിവസം അവധി ലഭിക്കുക. ഈ വർഷത്തിലെ അവസാനത്തെ പൊതു അവധികൂടിയാണ് ഇത്. ഡിസംബർ 2, 3, തിങ്കൾ, ചൊവ്വ ദിവസങ്ങളിൽ പൊതുമേഖലയിൽ ജോലി ചെയ്യുന്നവർക്ക് ശമ്പളത്തോടുകൂടിയ അവധിയായിരിക്കുമെന്ന് യുഎഇ സർക്കാർ വെള്ളിയാഴ്ച അറിയിച്ചു. മന്ത്രാലയങ്ങളിലെയും ഫെഡറൽ സ്ഥാപനങ്ങളിലെയും പതിവ് പ്രവൃത്തി സമയം ഡിസംബർ 4 ബുധനാഴ്ച പുനരാരംഭിക്കുമെന്ന് സർക്കാർ അറിയിച്ചു