ദുബായിൽ റമദാനിലെ പൊതുഗതാഗത സമയം, പെയ്ഡ് പാർക്കിങ് എന്നിവ റോഡ്സ് ആൻഡ് ട്രാൻസ്പോർട് അതോറിറ്റി പുനഃ ക്രമീകരിച്ചു. ദുബൈ മെട്രോ, ട്രാം സർവിസ് സമയങ്ങളിൽ മാറ്റമില്ല. ദുബായിലെ ബസുകൾ തിങ്കൾ മുതൽ വെള്ളി വരെ പുലർച്ചെ 4.30 മുതൽ പിറ്റേന്ന് പുലർച്ചെ 12.30 വരെ സർവിസ് നടത്തും. ശനിയും ഞായറും രാവിലെ ആറു മുതൽ പിറ്റേന്ന് പുലർച്ചെ ഒരു മണിവരെയാണ് സർവിസ്. ഇ16, ഇ101, ഇ102, ഇ201, ഇ303, ഇ306, ഇ307, ഇ307എ, ഇ315, ഇ400, ഇ411, ഇ700 എന്നീ ബസുകൾ അന്തർ സംസ്ഥാന സർവ്വീസും നടത്തും.
മെട്രോ സർവിസ് തിങ്കൾ മുതൽ വ്യാഴം വരെ പുലർച്ചെ അഞ്ചു മുതൽ അർധരാത്രിവരെയും വെള്ളിയാഴ്ച പുലർച്ചെ അഞ്ചു മുതൽ പിറ്റേന്ന് പുലർച്ചെ ഒരു മണിവരെയുമാണ് . ശനിയാഴ്ച രാവിലെ അഞ്ചിന് ആരംഭിക്കുന്ന സർവിസ് അർധരാത്രിവരെ നീളും. ഞായറാഴ്ച രാവിലെ എട്ടു മുതൽ അർധരാത്രിവരെയാണ് സർവിസ്. ഞായറാഴ്ച രാവിലെ എട്ടു മുതൽ അർധരാത്രിവരെയാണ് സർവിസ്.
ട്രാം തിങ്കൾ മുതൽ വ്യാഴം വരെ രാവിലെ ആറു മുതൽ പിറ്റേന്ന് പുലർച്ചെ ഒരു മണിവരെയും ഞായറാഴ്ച രാവിലെ ഒമ്പതു മുതൽ പിറ്റേന്ന് പുലർച്ചെ ഒരു മണിവരെയും സർവിസ് നടത്തും. അബ്ര സർവിസുകൾ തിങ്കൾ മുതൽ വ്യാഴം രാവിലെ ഒമ്പതു മുതൽ 11.25വരെയും വെള്ളിയാഴ്ച രാവിലെ ഒമ്പതു മുതൽ 12 വരെയും ശനിയും ഞായറും രാവിലെ 10 മുതൽ പിറ്റേന്ന് പുലർച്ചെ 12.20 വരെയും സർവിസ് നടത്തും. ദുബൈ വാട്ടർ ടാക്സികൾ തിങ്കൾ മുതൽ വ്യാഴം വരെ ഉച്ചക്ക് 12 മുതൽ പിറ്റേന്ന് 12.30 വരെ സർവിസ് നടത്തും.
പാർക്കിങ് സമയം തിങ്കൾ മുതൽ ശനി വരെ രണ്ട് ഷിഫ്റ്റുകളായാണ് ക്രമീകരിച്ചത്. രാവിലെ ആറു മുതൽ എട്ടുവരെയും രാത്രി എട്ടു മുതൽ അർധ രാത്രിവരെയും സൗജന്യമായി പാർക്ക് ചെയ്യാം. മൾട്ടി സ്റ്റോറേജ് പാർക്കിങ് കേന്ദ്രങ്ങൾ 24 മണിക്കൂറും പ്രവർത്തിപ്പിക്കും. ടീകോം പാർക്കിങ് മേഖലയിൽ രാവിലെ എട്ടു മുതൽ ആറുവരെ പണമടക്കേണ്ടിവരും.