പുതുവത്സര ദിനമായ ജനുവരി ഒന്ന് തിങ്കളാഴ്ച ദുബൈയിലും ഷാര്ജയിലും അബുദാബിയിലും സൗജന്യ പാര്ക്കിങ് പ്രഖ്യാപിച്ചു. ദുബൈയിൽ റോഡ്സ് ആൻഡ് ട്രാൻസ്പോർട് അതോറിറ്റിയും ഷാര്ജ മുന്സിപ്പാലിറ്റിയുമാണ് ഇക്കാര്യം അറിയിച്ചത്. അബുദാബിയിലെ സൗജന്യ പാർക്കിങ് അബുദാബി ഇന്റഗ്രേറ്റഡ് ട്രാൻസ്പോർട് സെന്റർ ആണ് അറിയിച്ചത്. ദുബൈയിൽ മള്ട്ടി ലെവല് പാര്ക്കിങുകള് ഒഴികെയുള്ള സ്ഥലങ്ങളിലാണ് സൗജന്യ പാര്ക്കിങ് ലഭിക്കുക. ഞായറാഴ്ചകളില് സൗജന്യ പാര്ക്കിങ് നിലവിലുള്ളതിനാല് തുടര്ച്ചയായി രണ്ടു ദിവസമാണ് ദുബൈയിലെ താമസക്കാര്ക്ക് സൗജന്യ പാര്ക്കിങ് ലഭിക്കുക.
ജനുവരി രണ്ട് ചൊവ്വാഴ്ച മുതല് പെയ്ഡ് പാര്ക്കിങ് പുനരാരംഭിക്കുമെന്ന് ഷാര്ജ മുന്സിപ്പാലിറ്റി അറിയിച്ചു.
അതേസമയം നീല നിറത്തില് അടയാളപ്പെടുത്തിയിരിക്കുന്ന പാര്ക്കിങ് ഏരിയകളില് തിങ്കളാഴ്ചയും പെയ്ഡ് പാര്ക്കിങ് തന്നെയാകും. ഔദ്യോഗിക, പൊതു അവധി ദിവസങ്ങളിലടക്കം ആഴ്ചയില് ഏഴ് ദിവസവും ഇവിടെ പെയ്ഡ് പാര്ക്കിങാണ് ഉള്ളത്.