കുടുംബ സന്ദർശക വിസയിൽ യു.എ.ഇയിൽ എത്തിയവർക്ക് 90 ദിവസം വരെ വിസ നീട്ടാം. രാജ്യംവിടാതെ യു.എ.ഇയിൽനിന്നുതന്നെ ഇവർക്ക് വിസ പുതുക്കാൻ കഴിയും. കുടുംബാംഗത്തിന്റെയോ സുഹൃത്തുക്കളുടെയോ സ്പോൺസർഷിപ്പിൽ സന്ദർശക വിസയെടുത്ത് യു.എ.ഇയിൽ എത്തിയവർക്കാണ് ഈ ആനുകൂല്യം ഉള്ളത്. നിശ്ചിത വരുമാനമുള്ളവർക്ക് കുടുംബാംഗങ്ങളെയോ സുഹൃത്തുക്കളെയോ സന്ദർശക വിസയിലെത്തിക്കാമെന്ന് യു.എ.ഇ അറിയിച്ചിരുന്നു.
ദുബൈ വിസയിൽ ഉള്ളവർ ജി.ഡി.ആർ.എഫ്.എയുടെ വെബ്സൈറ്റിലൂടെ അപേക്ഷിക്കണം.180 ദിവസം വരെ ദുബൈ വിസക്കാർക്ക് കാലാവധി നീട്ടാം. ഷാർജ, അജ്മാൻ, ഉമ്മുൽഖുവൈൻ, റാസൽഖൈമ, ഫുജൈറ എന്നിവിടങ്ങളിൽനിന്ന് വിസയെടുത്തവർ ഐ.സി.പിയുടെ വെബ്സൈറ്റ് വഴിയോ മൊബൈൽ ആപ് വഴിയോ ആണ് അപേക്ഷിക്കേണ്ടത്. ഇവർക്ക് 90 ദിവസം വരെ യു.എ.ഇയിൽനിന്ന് വിസ കാലാവധി നീട്ടാൻ സാധിക്കും